काठमाडौं : काठमाडौंमा आजदेखि तेस्रो पूर्वाधार सम्मेलन आयोजना हुने भएको छ । नेपाल उद्योग परिसंघले नेपाल सरकार, लगानी बोर्ड, नेपाली युवा निर्माण व्यवसायी समुदायसमेतको सहकार्यमा सम्मेलन हुन लागेको हो । सम्मेलन दुई दिनसम्म चल्ने छ ।
यो सम्मेलनलाई सरकारले गत वर्ष सम्पन्न गरेको लगानी सम्मेलन २०१९ को फलोअपको भएको दावी गरेको छ । सम्मेलनमा लगानी बोर्डको २१ र प्रदेशस्तरका ८२ वटा आयोजना शोकेस गरिने परिसंघले जनाएको छ । करिब ५०० जना लगानीकर्ता सहभागी हुने कार्यक्रमलाई अर्थ, ऊर्जा, उद्योग र पूर्वाधार मन्त्रीले सम्बोधन गर्नेछन् ।
तेस्रोपटक आयोजना गर्न लागिएको पूर्वाधार सम्मेलनमा सरकार आफैं आयोजक बनेको र लगानी बोर्ड सहआयोजक भएकोले विगतका वर्षको भन्दा सफल हुने बताइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies