काठमाडौं : आफ्नो एउटा भिडियो सामाजिक सञ्जालमा भाइरल भएपछि प्रसिद्ध बौद्ध धर्मगुरु दलाई लामाले माफी मागेका छन् ।
दलाई लामा तिब्बतबाट निर्वासित भएदेखि नै भारतमा बस्दै आएका छन् । भाइरल भइरहेको दलाई लामासँग सम्बन्धित भिडियोमा उनी एक नाबालकको ओठमा चुम्बन गरिरहेको देखिन्छ । बच्चाको ओठमा चुम्बन गरेपछि उनले जिब्रो चुस्न भनिरहेका हुन्छन् ।
आइतबार उक्त भिडियो भाइरल भएपछि सामाजिक सञ्जालमा दलाई लामाको चौतर्फी आलोचना भइरहेको छ ।
सामाजिक सञ्जालमा धेरै प्रयोगकर्ताहरूले यसलाई असहज भनिरहेका छन् । उक्त भिडियोमा जनताको आक्रोश देखेर दलाई लामाले एक विज्ञप्ति जारी गर्दै बच्चा र उनको परिवारसँग माफी मागेका छन् ।
यसअघि पनि दलाई लामाले विवादास्पद अभिव्यक्तिका लागि माफी मागेका थिए । बीबीसीसँगको अन्तर्वार्तामा उनले एउटी महिला दलाई लामा बन्ने हो भने उनी आकर्षक हुनुपर्छ भनेका थिए ।
तर पछि उनको कार्यालयले माफी माग्दै दलाई लामाले मजाक गरेको बताएको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies