-विमल बिसी, बागलुङ, गलकोट
मुक्तक १
भन्दैनौँ अमेरिका युरोप खाडी,आफ्नै देशमा बस्छौँ
बेकार साहुको ऋण काढी,आफ्नै देशमा बस्छौँ
रोजगारको एउटा सानो आधार त देखाई दे सरकार
जाँदैनौँ घर परिवारलाई छाडी,आफ्नै देशमा बस्छौँ!
मुक्तक २
मुटुमै प्रहार गरे जस्तै हुन्छ भाला,हेर्न सक्दिनँ
देखाउँछन् सहनै नसक्ने खाले चाला,हेर्न सक्दिनँ
कसम मरौँ कि मारौँ जस्तै हुन्छ मलाइ के गरौँ ?
भष्ट्राचारीहरूले लगाएको देख्दा माला,हेर्न सक्दिनँ!
मुक्तक ३
वर्षौँ देखिको सम्बन्ध क्षणभरमै टाढिन्छ,अचम्म लाग्छ
खै कसरी यहाँ तन साटिन्छ मन साटिन्छ अचम्म लाग्छ
उता परिवारलाई सुख दिन श्रीमान् परदेशी भइरहेको बेला
यता श्रीमतीको प्रेम सम्बन्ध अर्कैसँग गाँसिन्छ,अचम्म लाग्छ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies