–लेखराज रेग्मी
अप्रिय छन् मानिसहरू
बोलिरहेछन् अशुभ शब्दहरू
तिमी पत्याउ नपत्याउ मेरो कुरा
मलाई त्यसले फरक पर्दैन ।
पालेर सडेको दिमागमा फोहोरी कुरा
जसरी मेरो देशबारे बोलिरहेका छन्
कुत्सित गोदी मिडियाहरू
उनीहरूको भारत महान्को नारा
कुण्ठा हिनता र छटपटि देख्छु
ठिक यस्तै छ युरोप
मुसलमानको राक्षसीकरण
गोरो छालाका राक्षसहरूको बढाई
दुई वर्ष पुग्दैछ न्यूक्लियर युद्धको कुरा
युक्रेनमा आगो झोसेर पुगेन
सल्काउन खोज्दैछन् प्रशान्त
र खेल्दैछन् लालसागरमा रगतको होली
कव्रिस्तान बनाउँदैछन् कुर्दिस्तान
र ढिगोरा पिट्दैछन् रुस युद्धपिपासु छ
चीन राक्षस हो लाल सैतान
किम सन्काहा छ, तर
उनीहरू ताइवान जलाएर खोज्दैछन्
अस्लाको व्यापार गर्न, मानवताका हत्याराहरू
युक्रेन जल्नुहँुदैन थियो जेलेन्स्की
इजरायल र फिलिस्तिान जल्नुहुँदैन
अफगान र इराक बन्नुहुँदैन अरब
ताइवान अस्लाको विज्ञापन बन्नुहुँदैन
तर, मेरो देशमा अर्को जेलेन्स्की खोजिदैछ
र मस्त छन् भारतीय मिडिया
नेपालको सर्वनाशको गीत गाउन
थाहा छैन युक्रेनमा युद्ध छ
र जलिरहेछ पेरिस, जर्मन
र त सडकमा छन् जनताहरू
योभन्दा खराब हुनेछ भारतमा डढेलो
पटक्कै हेक्का छैन उन्माद छ
मेरो देश त पीडामा छ र बढ्ने ठाऊँ छैन
यो उल्टामतीले छिमेक जल्दा
हामीले पनि सहनुपर्छ
नेपालको नियतीमा लेखिनेछ
पूरै दक्षिण एसियाको भाग्य
तर मेरो देशका लम्पटहरू
सुन हसिस र हिरोइन जस्तै मानिरहेका छन्
युद्ध–व्यापारको गर्दैछन् विज्ञापन
जुनी–दासहरूको गुम्ने एकमुठी सास हो
तर देश जल्दा जल्नेछ तिम्रो सबकुछ
जसको तिमीलाई निकै घमण्ड छ ।।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies