– गणेश लोहनी
१.
आँखा चिम्लौं माना पाथीतिर नहेर्नु रे
जस्तो परोस् केटी साथीतिर नहेर्नु रे
सुन्दरताका निर्णायकले कता हेर्नेहोला
अघि पछि तल माथितिर नहेर्नु रे ।
२.
पलाउने फुल्ने फल्ने समयका कुरा गरौं
बैंशको सिउर ढल्काउने वयका कुरा गरौं
गुलाबको थुङ्गासँग बैंस साट्न हिँड्नेहरू
मर्यादाको सीमाभित्र प्रणयका कुरा गरौं ।
३.
हामी ठानिरहेका छौं असल चलेको छ
नियमसंगत ढंगले नै पसल चलेको छ
राजनीतिमा व्यापारमा सबै दुई नम्बरी
टिकाउन मनी अनि मश्सल चलेको छ ।
४.
लाक्षागृह निर्माणमा कौरवहरू लागेका छन्
इन्द्रप्रस्त निर्माताले पाँच गाउँ मात्र मागेका छन्
बिदुर झैं चतुर चाल चल महारथी पाण्डवहरू
हस्तिनापुर हत्याउन कौरव फेरी जागेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies