काठमाडौं। लक्षित वर्गको पहिचान हुने कागज भए निःशुल्क स्वास्थ्योपचार सेवा लिन भनसुन गर्नु नपर्ने प्रणाली विकास गरिएको महानगरपालिकाका प्रमुख बालेन्द्र शाहले बताएका छन्।
शनिबार एक भिडियो सन्देशमार्फत उनले लक्षित वर्गलाई स्वास्थ्य सेवा प्राप्त गर्ने हक उपयोग गर्न आग्रह गर्दै विगतमा कार्यान्वयनमा नआएको व्यवस्था कार्यान्वयन गर्न प्रणाली बिकास गरेको जानकारी दिए।‘विगतमा कार्यान्वयनमा नआएको व्यवस्था कार्यान्वयन गर्न महानगरपालिकाले विकास गरेको प्रणालीमा ५२ वटा अस्पताल आवद्ध भएका छन्,’ उनले भनेका छन्,‘यसमा ७४४ शय्या निःशुल्क उपचारका लागि उपलब्ध छन्।
प्रमुख शाहले यसको गलत प्रयोग हुने अवस्थाप्रति संकेत गर्दै गलत काम गर्नेलाई कारवाही गर्ने चेतावनी समेत दिएका छन्।‘यदि कसैले झुटो विवरण पेश गरेर उपचार गरेको पाइए, उपचार गराउने (विरामी) र उपचार गरिदिने (अस्पताल) दुवैलाई कारवाही हुनेछ,’ उनको चेतावनी छ।
महानगरपालिकाले लक्षित वर्ग (विपन्न, असहाय र वेवारिसे) को निःशुल्क उपचारका लागि कार्यविधि जारी गरेको र त्यस अनुसार फागुन १ गतेदेखि सेवा उपलब्ध गराउन स्वास्थ्य विभागले आफ्नो भौगोलिक क्षेत्रभित्र भएका सबै अस्पतालहरुलाई पत्राचार गरिसकेको बताएको छ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies