तिलु शर्मा पौडेल/मध्यान्ह
दोहा, कतार : गैरआवासीय नेपाली संघ (एनसीसी) कतार र तमु (गुरुङ) समाज कतारको संयुक्त आयोजनामा आयोजित ‘गैरआवासीय नेपाली तारा सिजन ४’को दोस्रो चरणको अडिसन शुक्रबार सम्पन्न भएको छ । ‘नेपाली कला संस्कृतिको सम्मान गरौं, प्रवासमा रहेको प्रतिभाको खोजी गरौं’ भन्ने नाराका साथ राष्ट्रिय आविष्कार केन्द्रको सहयोगार्थ, प्रवासमा लुकेर बसेको कलालाई प्रस्फुटन र उजागर गर्ने उद्देश्यले आयोजित प्रतियोगिताको दोस्रो चरणमा गायन विधाबाट २७ जना र नृत्य विधाबाट १४ जना पुगे पनि गायन विधामा २६ जना र नृत्य विधामा १३ जनाले प्रतिस्पर्धा गरेका थिए । गायन प्रतिस्पर्धाबाट १९ जना र नृत्य प्रतिस्पर्धाबाट १० जना तेस्रो चरणमा प्रवेश गरेका छन् ।
शुक्रबार बिहान अलसलातामा रहेको कतार च्यारिटीको हल र नज्माको सम्पन्न आइडलको प्रतिस्पर्धाको गायन विधाबाट सुजन गुरुङ, बुद्ध सिंह लिम्बू, भीम बहादुर कार्की, जोन विक, असोक गुरुङ, रुष्तम तामाङ, मानसिंह परियार, इसान रेग्मी, सुरज केसी, मालती लामा, बनिता राई, दीपक कुमार घले, गौतम सामी लिम्बू, प्रविन रामदाम, क्षितिज तामाङ, रश्मी विश्वकर्मा, उत्तम राई र सरला तामाङ तेस्रो चरणमा प्रवेश गरेका छन् ।
त्यस्तै नृत्य विधातर्फ जुनुमाया कुमाल, झरना राई, दिया सिंह, जीवन खालिंग राई, अमित राई, रिता श्रेष्ठ, सौजार चाहार, निरु श्रेष्ठ, सरोज लामा र सुनिता शेर्पा अर्को चरणमा प्रवेश गरेका छन् । प्रतिस्पर्धाको गायन विधातर्फ वीरेन्द्र श्रेष्ठ, गुन्जन तामाङ र मंगल विक निर्णायकका रूपमा रहेका थिए भने नृत्य विधातर्फ भबिन तामाङ, भीम प्रसाद गुरुङ र जनक लाफा मगरले निर्णायकको जिम्मेवारी सम्हालेका थिए । कमलमणि गुरागाईं र बुधबल गुरुङ पर्यवेक्षकका रूपमा रहेका थिए ।
बार्बी खड्का, आरुषि रिजाल र आरजु राईले स्वागत नृत्यमार्फत कार्यक्रमको सांगीतिक ढोका उघारेका थिए । एनसीसी कतारका अध्यक्ष रमेश भट्टको सभापतित्व तथा एनआरएनए आईसीसीका उपाध्यक्ष राज रेग्मी अतिथि निर्णायक रहेको कार्यक्रममा तमु (गुरुङ) समाजकी अध्यक्ष टौमाया गुरुङको विशेष आतिथ्यता रहेको थियो । कार्यक्रममा अतिथि जजका रूपमा रहेका रेग्मीले सहभागीहरूले रोजगारीका लागी विदेशमा रहँदा पनि नेपाली कला संस्कृतिको प्रवर्द्धनका लागि गरेको सरहानीय कार्यको प्रशंसा गरेका थिए ।
उनले सहभागीहरूलाई सांगीतिक तथा व्यक्तिगत जीवनमा प्रगतिको कामना गरेका थिए । आफ्नो शुभकामना मन्तव्य राख्दै तमु समाजकी अध्यक्ष गुरुङले भाइचाराका लागि संगीतले पुलको काम गर्ने बताइन् । उनले कलाकार बिनाको संगीत र संगीत बिनाको कलाकारको कल्पना गर्न नसकिने बताइन् ।
एनसीसी कतारका सचिव रोशन अर्याल र तमु समाजका महासचिव ज्ञान बहादुर गुरुङ (डिजन)ले सहजीकरण गरेको कार्यक्रमको समापन गर्दै सभापति भट्टले प्रतिस्पर्धामा सहभागी सबैप्रति शुभकामना व्यक्त गरे । प्रतियोगिताको गायन विधाका विजेताले १ लाख ८१ हजार र नृत्य विधाका विजेताले १ लाख ५० हजार रुपैयाँ नगद पुरस्कारसहित ट्रफी प्राप्त गर्नेछन् भने उपविजेताले ७५ हजार रुपैयाँ प्राप्त गर्नेछन् ।
कार्यक्रमबाट भएको मुनाफाको ६५ प्रतिशत रकम राष्ट्रिय आविष्कार केन्द्रलाई सहयोग गरिने भएको छ । प्रतियोगिताको तेस्रो चरण १२ जनवरी २०२४ र ग्राण्ड फिनाले २ फेब्रुअरी २०२४ मा सम्पन्न गर्ने कार्यतालिका रहेको छ । मध्यान्ह राष्ट्रिय दैनिक उक्त आइडलको मुख्य सञ्चार सहयोगीका रूपमा रहेको छ ।
काठमाडौं : मिस नेपाल श्रीच्छा प्रधानले आफूलाई नेपाली पहिरनमै रुची रहेको बताएकी छन् । नेपाली पहिरनमा ढाका बढी मनपर्ने र प्रयोग गर्ने बताएकी उनले आकर्षक, सजिलो र उचित मूल्यमा नेपाली पहिरन मिल्ने भएकोले सबैलाई प्रयोग गर्नसमेत सुझाएकी छन् ।
शुक्रबारबाट ललितपुरको जावलाखेलमा सञ्चालनमा आएको क्वीन कलेक्सन उद्घाटन गर्दै प्रधानले नेपाली पहिरन सजिलो र स्वास्थ्यको दृष्टिले समेत निर्माण हुने भएकाले प्रयोग गर्न सजिलोसमेत रहेको धारणा राखिन् ।
‘म नेपाली बुटिकहरुकै फेसन प्रयोग गर्छु । किनभने त्यहाँ मूल्य सुहाउँदो र सबैले तिर्न सक्ने हुन्छ’, उनले भनिन्, ‘बुटिकमा आफूले चाहेजस्तो डिजाइन छान्न र बनाउन सकिन्छ ।’ ग्राहकप्रतिको जिम्मेवारीमा अन्यभन्दा बुटिक अलि बढी जिम्मेवार हुने गरेको आफूले पाएको उनले सुनाइन् ।
‘बुटिकका पहिरन एकदमै कलरफुल, युनिक डिजाइन हुन्छ । अहिलेका हामी युवाले पहिलेका कल्चर पहिरन प्रयोग गर्दा अर्कै किसिमको गर्व फिल हुन्छ । त्यही कारणले पनि म नेपाली पहिरनमा रमाउछु,’ उनले थपिन् ।
प्रधान ‘मिस वल्र्ड’को तयारी गरिरहेकी छन् । ‘मिस वल्र्ड’को प्लेटर्फममा पनि उनी नेपाली विभिन्न कलासंस्कृति र वातावरण झल्कने पहिरन प्रयोग गर्ने सोचमा छिन् । त्यसका लागि उनी नेपाली डिजाइनर, त्यो पनि आइआइएफटी स्कुल अफ फेसनसँगको छलफलमा छिन् । मिस नेपालमा पनि आइआइएफटीको सहकार्य रहेकोले मिस वल्र्डका लागि सहकार्य गर्ने सोच बनाएको उनले बताइन् ।
क्वीन कलेक्सन मेनका रानाले सञ्चालनमा ल्याएकी हुन् । मेनका आइआइएफटी स्कुल ओफ फेसन ललितपुरकी विद्यार्थी हुन् । आफूले अध्ययन गरेर सिकेको कुरा प्रयोग गर्ने र फेसनमा सेवा दिने उद्देश्यले क्वीन कलेक्सन सञ्चालनमा ल्याएको रानाले बताइन् ।
‘मलाई सानैदेखि फेसनमा केही गर्नुपर्छ भन्ने हुटहुटी थियो । फेसनको विभिन्न कुरा बुझ्दै जाँदा आइआइएफटी स्कुल अफ फेसनसँग जोडिएँ,’ रानाले भनिन्, ‘त्यहाँ सिकेको कुरा बाहिर ल्याउन र फेसनमा नयाँ टेष्ट दिन बुटिक खोलें ।’ फेसनमा गुणस्तरीय र आकर्षक पहिरन सस्तो मूल्यामा उपलब्ध गराउन बुटिक सञ्चालनमा ल्याएको उनको भनाइ छ ।
‘मेरो बुटिक भीआईपीदेखि सर्वसाधारणसम्म सबैका लागि हो । मेरो उद्देश्य फेसनमा सबैको पहुँच होस् भन्ने छ,’ उनले अगाडि थपिन्, ‘हामी मानिसको इच्छाअनुसारको डिजाइनसमेत तयार गरेर दिन्छौं ।’
कार्यक्रममा आइआइएफटी स्कुल अफ फेसन इन्टेरियर डिजाइनका कार्यकारी प्रबन्धक विपना थापाले आफ्नो स्कुलको विद्यार्थी व्यावसायिकरुपमा अगाडि बढेको देख्दा खुसी लागेको बताइन् । उनले मेनकाको आँट र क्रियाशीलताबाट आफू प्रभावित भएको बताउँदै आवश्यक सहयोग गर्न तयार रहेको धारणा राखिन् ।
क्वीन कलेक्सनमा महिलाले फेसनका लागि सबै प्रकारको सेवा प्राप्त गर्न सक्नेछन् । नेपाली पहिरन र कल्चरलाई विशेष प्रथामिकतामा राखेको यो कलेक्सनमा कल्चरल, फर्मल, पार्टीवेयर, क्याजुअलदेखि सबै प्रकारका ड्रेस पाउनुका साथै नयाँ बनाउन सकिनेछ ।
विश्व बजारमा चलेका र आकर्षक डिजाइनसमेत उपलब्ध हुने बुटिकमा आफूलाई मनपर्ने डिजाइन उचित मूल्यमा तयार गर्न लगाउन पनि सकिने सञ्चालक मेनकाले बताइन् । बुटिकले आफ्नो डिजाइनमा क्वालिटी र रंगसंयोजनमा समेत विशेष ध्यान दिने बताएको छ ।
तिलु शर्मा पौडेल/मध्यान्ह
दोहा, कतार : नेपाल आइडलबाट चर्चामा आएका सर्जक तथा गायक निशान भट्टराई देश विदेशका स्टेज कार्यक्रममा व्यस्त छन् । उनै गायक भट्टराईले आज कतारमा आफ्नो प्रस्तुति दिँदै छन् । अङ्ग्रेजी नयाँ वर्षको पूर्व सन्ध्यामा कतारको दोहाको साना सिग्नल नजिक रहेको ग्रान्ड रिगल होटेलमा अवस्थित अर्मानि एक्स लन्ज एण्ड बारले आयोजना गरेको 'म्युजिक मनियाँ'मा उनले आफ्नो प्रस्तुति दिने भएका हुन् ।
आफ्नो सांगीतिक प्रस्तुति दिन कतार आइपुगेका भट्टराईले कतारमा रहेका सबै नेपाली दाजुभाइ तथा दिदिबहिनीहरुलाई निमन्त्रणा गरेका छन् । कतारको हमाद एयरपोर्टबाट एक भिडियो जारी गर्दै भट्टराईले अङ्ग्रेजी नयाँ वर्ष रमाइलो गरेर मनाउन आफू कतार आएको बताए । भट्टराईको स्वागतका लागि क्लब सञ्चालकद्वय सन्दीप भट्टराई र रमेश केसी, कार्यक्रमका संयोजक रोशन अर्याललगायत सञ्चारकर्मी तथा अन्य व्यक्तिहरू एयरपोर्ट पुगेका थिए ।
आज बिहीबार साँझ हुने कार्यक्रमको ढोका दिउसो दिउँसो ४ बजेबाट खुल्ने र साँझ ६ बजेबाट सांगीतिक कार्यक्रम सुचारु हुने कार्यक्रम संयोजक अर्यालले मध्यान्ह दैनिकलाई जानकारी दिए ।
तिलु शर्मा पौडेल/मध्यान्ह
दोहा, कतार : गैरआवासीय नेपाली संघ (एनसीसी) कतार र तमु (गुरुङ) समाज कतारको संयुक्त आयोजनामा आयोजित ‘गैरआवासीय नेपाली तारा सिजन ४’को दोस्रो चरणको अडिसन भोलि शुक्रबार हुने भएको छ । राष्ट्रिय आविष्कार केन्द्रको सहयोगार्थ आयोजित कार्यक्रमको मेघा अडिसनमार्फत दोस्रो चरणमा गायन विधाबाट २७ जना र नृत्य विधाबाट १४ जना प्रवेश गरेका छन् ।
शुक्रबार बिहान ठिक ९ बजे देखि कतार च्यारिटिको सभा हल न्यु सलतामा सुरु हुने प्रतियोगितामा गायन विधाबाट उत्तम राई, अक्षय लिम्बू, अनमोल ढकाल, भीम बहादुर कार्की, अशोक गुरुङ, बनिता राई, बुद्ध सिंह लिम्बू, चित्र बहादुर राना, गौतम सामी लिम्बू, हरिस चन्द्र नेपाली, ईशान रेग्मी, जोन बिक, किरण बिक, क्षितिज तामाङ, मानसिङ परियार, असलमान राई, रेश्मी विश्वकर्मा, शरला तामाङ, सुजन गुरुङ, सुरज केसी, रुस्तम तामाङ, प्रविन रामदाम, बद्री देवकोटा, मालती लामा, दीपक कुमार घले, एन्जल कुलुङ, अनमोल श्रेष्ठले प्रतिस्पर्धा गर्दै छन् l नृत्य विधा तर्फ सुजन चहार, जुनुमाया कुमाल, झरना राई, सबिना राई, दिया सिंह, जीवन खालिंग राई, सुनिता शेर्पा, ललिता लामा, अमित राई, रिता श्रेष्ठ, निरु श्रेष्ठ, शर्मिला घर्ती, सरोज लामा र रेखा मगरले प्रतिस्पर्धा गर्दैछन् l
'नेपाली कला संस्कृतिको सम्मान गरौं, प्रवासमा रहेको प्रतिभाको खोजी गरौं' भन्ने नाराका साथ प्रवासमा लुकेर बसेको कलालाई प्रस्फुटन र उजागर गर्ने उद्देश्यले आयोजित प्रतियोगिताको गायन विधाका विजेताले १ लाख ८१ हजार र नृत्य विधाका विजेताले १ लाख ५० हजार रुपैयाँ नगद पुरस्कारसहित ट्रफी प्राप्त गर्नेछन् भने उपविजेताले ७५ हजार रुपैयाँ प्राप्त गर्नेछन् । कार्यक्रमबाट भएको मुनाफाको ६५ प्रतिशत रकम राष्ट्रिय आविष्कार केन्द्रलाई सहयोग गरिने भएको छ l
प्रतियोगिताको तेस्रो चरण १२ जनवरि २०२४ र ग्राण्ड फिनाले २ फेब्रुअरी २०२४ मा सम्पन्न गर्ने कार्यतालिका रहेको छ । तेस्रो र ग्राण्ड फिनालेका लागि स्थान र समयका बारेमा एक हप्ता अगाडि सूचनामार्फत जानकारी गराइने आयोजकले जनाएको छ l यसभन्दा अगाडि सन् २०१०/११ र १५ मा सफलतापूर्वक प्रतियोगिता सम्पन्न भइसकेको छ । मध्यान्ह राष्ट्रिय दैनिक उक्त आइडलको सञ्चार सहयोगीका रूपमा रहेको छ l
तिलु शर्मा पौडेल/मध्यान्ह
दोहा, कतार : नेपाल आइडलबाट चर्चामा आएका सर्जक तथा गायक निशान भट्टराई देश विदेशका स्टेज कार्यक्रममा व्यस्त छन् । उनै गायक भट्टराईले आज कतारमा आफ्नो प्रस्तुति दिँदै छन् । अङ्ग्रेजी नयाँ वर्षको पूर्व सन्ध्यामा कतारको दोहाको साना सिग्नल नजिक रहेको ग्रान्ड रिगल होटेलमा अवस्थित अर्मानि एक्स लन्ज एण्ड बारले आयोजना गरेको 'म्युजिक मनियाँ'मा उनले आफ्नो प्रस्तुति दिने भएका हुन् ।
आफ्नो सांगीतिक प्रस्तुति दिन कतार आइपुगेका भट्टराईले कतारमा रहेका सबै नेपाली दाजुभाइ तथा दिदिबहिनीहरुलाई निमन्त्रणा गरेका छन् । कतारको हमाद एयरपोर्टबाट एक भिडियो जारी गर्दै भट्टराईले अङ्ग्रेजी नयाँ वर्ष रमाइलो गरेर मनाउन आफू कतार आएको बताए । भट्टराईको स्वागतका लागि क्लब सञ्चालकद्वय सन्दीप भट्टराई र रमेश केसी, कार्यक्रमका संयोजक रोशन अर्याललगायत सञ्चारकर्मी तथा अन्य व्यक्तिहरू एयरपोर्ट पुगेका थिए ।
आज बिहीबार साँझ हुने कार्यक्रमको ढोका दिउसो दिउँसो ४ बजेबाट खुल्ने र साँझ ६ बजेबाट सांगीतिक कार्यक्रम सुचारु हुने कार्यक्रम संयोजक अर्यालले मध्यान्ह दैनिकलाई जानकारी दिए ।
काठमाडौं : ज्योति फिल्मस् म्युजिक अवार्डको पाँचौं संस्करण दुबईमा सम्पन्न भएको छ । अवार्ड समारोहमा लोकगायक नवराज घोरासैनीलाई ‘दीर्घ साधना सम्मान’द्वारा सम्मानित गरिएको थियो । रोयल मुभिज प्रा.लि. र सिन्धुपाल्चोक सेवा समाज यूएईले दुबईमा आयोजना गरेको अवार्ड समारोहमा घोरासैनीलाई यो सम्मान दिइएको हो ।
विभिन्न सांस्कृतिक कार्यक्रमसहित आयोजित कार्यक्रममा गायिका पूर्णिमा लामा (तामाङ)ले संगीत रत्न सम्मान प्राप्त गर्दा सुनिल परियार (सागर), पूर्णिमा घिसिङ, इन्दिरा भट्टराई, दीपक खतिवडा, चित्र गुरुङ, बबिन बिसीले ‘कला सम्मान’ प्राप्त गरे ।
अवार्ड समारोहमा यश कुमार सर्वोत्कृष्ट आधुनिक गायक, आशा लामा (ज्ञानमाला) सर्वोत्कृष्ट काठे गायिका (जुरी), कबिता क्षेत्री सर्वोत्कृष्ट लोकदोहोरी मोडल महिला, बिमल अधिकारी सर्वोत्कृष्ट बहुप्रतिभा, बिनय खत्री सर्वोत्कृष्ट आधुनिक गीतको संगीतकार, सिडि विजय अधिकारी सर्वोत्कृष्ट पप गीत गायक, दीपशिखा खड्का सर्वोत्कृष्ट आधुनिक गीत भिडियो निर्देशक, दीपेन्द्रराज गिरी, सर्वोत्कृष्ट आधुनिक गीत नव मोडल, दुर्गा भट्ट सर्वोत्कृष्ट चाडपर्व गीत मोडल महिला, होम नाथ कुँवर सर्वोत्कृष्ट लोकदोहोरी शब्द, जीवन कुँवर सर्वोत्कृष्ट लोकदोहोरी नव गायक, कुमार सुनेल सर्वोत्कृष्ट काठे गीत मोडल, महेन्द्र राज बराल सर्वोत्कृष्ट आधुनिक गीत नव गायक, मनिशा घोरासैनी सर्वोत्कृष्ट काठे गीत नव गायिका, प्रकाश कटुवाल सर्वोत्कृष्ट लोकदोहोरी गायक, प्रकाश पुरी सर्वोत्कृष्ट चाडपर्व गीत गायक, राजकुमार दर्जी सर्वोत्कृष्ट आधुनिक गीत नृत्य निर्देशक, रेनुका भट्टराई सर्वोत्कृष्ट लोकदोहोरी गायिका, रोहन रुम्बा सर्वोत्कृष्ट आधुनिक गीत नव गायक (प्रोत्साहन अवार्ड), सबिना कार्की सर्वोत्कृष्ट आधुनिक गीत मोडल महिला, सबिता परियार सर्वोत्कृष्ट चाडपर्व गीत गायिका, सबुज मगर सर्वोत्कृष्ट लोकदोहोरी नव मोडल, समिक्षा अधिकारी सर्वोत्कृष्ट लोकदोहोरी गायिका (पपुलर अवार्ड), सन्तोष लामा सर्वोत्कृष्ट काठे गीत गायक, शिरिसा पौडेल सर्वोत्कृष्ट आधुनिक गीत गीतकार, श्रेयश पौडेल, सर्वोत्कृष्ट बालकलाकार र यम प्रसाद निउरे सर्वोत्कृष्ट राष्ट्रिय गीतको अवार्ड प्राप्त गरे ।
नेपाली दूतावास यूएईका भूपेन्द्र घिमिरे, रोयल मुभिजका अध्यक्ष निरेन श्रेष्ठ लगायतले अवार्ड तथा पुरस्कार वितरण गरेका थिए । याक एन्ड यति एभेष्ट ग्राण्ड एस्टोरिया होटल आयोजिक कार्यक्रममा दुबईका विभिन्न संघ, संस्थाका अधिकारी, ब्यवसायीहरूको समेत सहभागिता थियो । कार्यक्रममा अभिषेक पौडेल, अविरल पौडेल, अशोक गिरी, दावा लामा, दिल लामा, हिमाल तामाङ, मुरली धिमाल, श्याम घर्ती, तेजबहादुर थापा लगायतलाई ‘समाजसेवी’ सम्मान प्रदान गरिएको थियो ।
काठमाडौं : ‘राष्ट्रिय लोक तथा सांस्कृतिक प्रतिष्ठान नेपाल’को अध्यक्षमा नमराज ढुंगाना चुनिएका छन् । संस्थाको हालै आयोजित महाधिवेशनबाट ढुंगानाको नेत्तृृत्वमा नयाँ कार्यसमिति चयन भएको हो । प्रतिष्ठानले राजधानीमा एक कार्यक्रम गर्दै नयाँ कार्यसमिति सार्वजनिक गरेको हो ।
नयाँ कार्यसमितिको वरिष्ठ उपाध्यक्षमा राम कुमार केसी, उपाध्यक्षमा मिना थापा, महासचिवमा चन्द्रमणि गौतम, सचिवमा सागर लम्साल ‘बले’, सह–सचिवमा भिमसेन खतिवडा, कोषाध्यक्षमा कुसुम दुलाल सिम्रन, सह–कोषाध्यक्षमा विष्णु तामाङ रहेका छन् भने सदस्यहरुमा सुर्यमणि आचार्य, शोभा थापा, शिवराम भण्डारी र बाबुराम भट्टराई चयन भएका छन् ।
बागमती प्रदेशका पूर्वमुख्यमन्त्री राजेन्द्र प्रसाद पाण्डेको प्रमुख आतिथ्यता रहेको कार्यक्रममा अभिनेत्री सरिता लामिछाने, इभेन्ट निर्देशक निशु झा, संगीतकार दिपक शर्मालगायतको उपस्थिति रहेको थियो । कार्यक्रममा नवनिर्वाचित अध्यक्षले संस्थालाई प्रादेशिक संरचनामा लैजाने बताए ।
कार्यक्रममा संस्थाले मानार्थ सदस्य समेत वितरण गरेको थियो । जसमा निर्देशक सुदर्शन थापा, गायक आर्जन पाण्डे, कलाकार प्रेम पाण्डे, गायक नविन कुमार पौडेल, कलाकार तेज बहादुर गिरी, कोरियोग्राफर कृष्ण रसाल, मोडल रुबिना अधिकारी, मेकअप आर्टिस गीता पौडेल, गायक सीडी बिजय अधिकारी, गायक नारायण बहादुर थापा, निर्देशक निरेन श्रेष्ठलगायतले संस्थाको मानर्थ सदस्यता प्राप्त गरे । त्यस्तै शुभास बजागाईं र शंकर भट्टराईलाई कार्यक्रममा आजीवन सदस्य वितरण गरिएको थियो ।
‘राष्ट्रिय लोक तथा सांस्कृतिक प्रतिष्ठान’ बहुजातीय, बहुभाषी तथा विविध संस्कृतिको संरक्षण गर्ने उद्देश्यले स्थापना भएको हो । २२ वर्ष अगाडि शिवनारायण जोशीको अध्यक्षतामा गठित प्रतिष्ठानको नवनिर्वाचित अध्यक्ष ढुंगाना यस अगाडि महासचिव रहेका थिए ।
तिलु शर्मा पौडेल/मध्यान्ह
दोहा, कतार : नेपाली सांगीतिक बजारमा एक मर्मस्पर्शी गीत सार्वजनिक भएको छ l देशको अवस्था बोलेको लोक दोहोरी गीत ‘देशै छोडेर’ सार्वजनिक भएको हो । २ वर्ष पहिले आएको ‘रुँदै रुँदै तिम्रो सहर’ को भाग २ का रूपमा ‘देशै छोडेर’ गीत नरेश खातीको शब्द र संगीतमा गायक मेक्सम खाती क्षेत्री र गायिका पूर्णकला बिसीको आवाजमा बजारमा आएको हो l
अस्थायी शिक्षकको जागिर गरिरहेको स्कुलमा स्थायी भएर अर्को शिक्षक आएसँगै परिवार चलाउन बिदेसिनै पर्ने कथा पुरुष पात्रको र जनयुद्धमा घाइते भएर फरक क्षमता (अपाङ्ग) भएका आफ्नो श्रीमान र आफूले जन्माएको सन्तान छोडेर बिदेसिन बाध्य महिला पात्रको कथालाई भिडियोले बोलेको छ । स्वर्ग जस्तो नेपाललाई भ्रष्ट नेताहरूले बर्बाद पार्दा बिदेसिनुपर्ने गरेको कथा गीतले बोलेको छ । 'देशै छोडेर' (रुँदारुँदै २) मा देशको पछिल्लो अवस्था र पुराना घाउ बल्झिने गरी कथालाई दर्दनाक ढंगले पेस गरिएको छ ।
मेक्सम नरेश अफिसियल युट्युब च्यानलबाट सार्वजनिक गरिएको म्युजिक भिडियोमा हिउँवाला गौतम, अञ्जली अधिकारी, मेक्सम खाती, नरेश खाती, रेश्मा केसी, सुनिप कार्की, नवराज शर्माको अभिनय रहेको छ । प्रकाश भट्टको निर्देशन, नवराज उप्रेतीको छायाँकन रहेको भिडियोको सम्पादन मनोज कार्कीको गरेका हुन् l
काठमाडौं : संगीतकार लक्ष्मण पोखरेलको संगीतमा रहेको आधुनिक गीत 'कहाँ बिराएँ' सार्वजनिक भएको छ । गीतमा चर्चित गायिका अञ्जु पन्तको स्वर र गीतकार टि एन आचार्यको शब्द रहेको छ । कलाकार तथा मोडल जानकी कुँवरको सशक्त अभिनय रहेको म्युजिक भिडयोको देवेन्द्र कुँवरले निर्देशन गरेका छन् ।
प्रिन्सेस फिल्मस्ले निर्माण गरेको भिडियोमा प्रतिक आचार्य र एन्जीला कार्कीले समेत अभिनय गरेका छन् । गीतकार टि एन आचार्यको परिकल्पनामा निर्माण गरिएको गीतमा अशोक थापाले संगीत संयोजन मनोज डंगोलले मिक्सिङ मास्टरिङ गरेका छन् । प्रिन्सेस फिल्मस् युटुव च्यानलबाट सार्वजनिक गरिएको गीतलाई टेकेन्द्र शाहीले सम्पादन तथा राम केसीले छायाँकन गरेका छन् ।
गायिका अञ्जु पन्तको मेलोडियस स्वरमा रहेको उक्त गीतलाई आमदर्शक स्रोताहरुले मनपराउनेमा गीतकार टि एन आचार्य विश्वास्त रहेको बताउँछन् । अहिलेका व्यस्त संगीतकार लक्ष्मण पोखरेल पनि 'कहाँ बिराएँ' गीतबाट आशावादी रहेको बताउँछन् । यो गीत आँखाले भन्दा पनि मन मष्तिष्कले सुन्ने भएकोले सबैलाई मन पर्नेमा संगीतकार ढुक्क छन् । गायिका अञ्जु पन्त पनि धेरै समयपछि एउटा मिठो गीत गाउन पाएकोमा खुसी लागेको बताउँछिन् । कलाकार जानकी कुँवर पनि राम्रो गीतमा काम गर्न पाएकोमा दंग छिन् ।
काठमाडौं : ‘मोडल हन्ट नेपाल २०२३’का लागि ३८ प्रतियोगी छानिएका छन् । विभिन्न चरणको प्रतियोगी छनोट अडिसनबाट पुरुष र महिला गरेर यी प्रतियोगी छानिन सफल भएका हुन् । छानिएका प्रतियोगीमा २२ जना महिला र १६ जना पुरुष रहेका छन् ।
प्रतियोगिताको यो आठौं संस्करण हो । नेपाली मोडलिङ प्रतियोगितामा बृहत् र स्तरीय मानिएको प्रतियोगिताको यो संस्करणमा पनि युवाको हकमा ५ फिट ६ इन्च र युवतीको हकमा कम्तीमा ५ फिट २ इन्च उचाई हुनुपर्ने प्रावधान थियो । देशभरबाट सहभागी थुप्रै मोडलबाट ३८ जना छानिएका हुन् ।
छानिएका सबै प्रतियोगी अन्तिम स्पर्धाका लागि व्यक्तित्व विकास, शारीरिक बनावट, र्याम्प वाक, बडी ल्याङ्ग्वेज, फोटोसुट, एक्सप्रेसनलगायतका ग्रुमिङ कक्षामा जुटिसकेका छन् ।
उचित ज्ञानसहित देश तथा विदेशका प्लेटफर्ममा सजिलै अवसर पाउन सक्ने व्यावसायिक मोडल उत्पादन गर्ने उद्देश्यले विगत ८ वर्षदेखि नियमित आयोजना हुँदै आएको प्रतियोगितामा पछिल्लो समय युवायुवतीको आकर्षण समेत बढ्दो रहेको आयोजक नेक्स्ट मोडल्स नेपालका अध्यक्ष रवि धमलाको धारणा छ । प्रतियोगिता सांगीतिक कार्यक्रमसहित भव्यरुपमा आयोजना हुने धमलाले जानकारी दिए ।
प्रतियोगिताको फाइनल स्पर्धा आगामी २९ डिसेम्बर अर्थात पुस १२ गते होटल सोल्टीमा आयोजना हुनेछ । प्रतियोगिताको पुरुष विजेताले पार्टो रिको देशमा आयोजना हुने अन्तर्राष्ट्रिय मोडलिङ प्रतियोगिता ‘रनवे मोडल इन्टरनेशनल’मा नेपालको प्रतिनिधित्व गर्ने र महिला विजेताले थाइल्याण्डमा आयोजना हुने मोडलिङ प्रतियोगिता ‘सुपर मोडल इन्टरनेशनलमा’ नेपालको प्रतिनिधित्व गर्नुको अलवा विज्ञापन, म्युजिक भिडियोमा अभिनयको अवसर तथा राष्ट्रिय तथा अन्तर्राष्ट्रिय फेसन शोमा पनि सहभागी हुने अवसर प्राप्त गर्ने आयोजक नेक्स्ट मोडल्सकी कार्यकारी निर्देशक यतना पाण्डेले जानकारी दिइन् ।
पछिल्लो समय सौन्दर्य प्रतियोगितामा महिला असुरक्षित भएको आवाज उठ्दै आएको छ । यस सम्बन्धमा पाण्डे आफूहरुले आयोजना गरेको प्रतियोगिताले महिलाहरुको हकहित संरक्षण, उनीहरुको सुरक्षाको प्रत्याभूति गराउनुको साथै दबिएको आवाज बुलन्द गर्न हौसला प्रदान गर्ने बताउँछिन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies