विराटनगर : कोशी प्रदेश सरकारको एकमात्रै विश्वविद्यालय मनमोहन प्राविधिक विश्वविद्यालयका उपकुलपतिमा डा. सुवासश्री पोखरेल नियुक्त भएका छन् । कोशी प्रदेश सरकार मुख्यमन्त्री तथा मन्त्री परिषद्को बैठकले डा.पोखरेललाई दोस्रो कार्यकालको लागि उपकुलपतिमा नियुक्त गरेको हो ।
एक कार्यक्रमकाबीच कुलपति एवम् मुख्यमन्त्री हिक्मत कुमार कार्कीले डा.पोखरेललाई नियुक्त गरेका हुन् । उपकुलपतिमा नियुक्त भएका डा.पोखरेलको कार्यकाल ४ वर्षको हुनेछ । दुहबी ५ का डा. पोखरेललाई मुख्यमन्त्री तथा कुलपति कार्कीले शपथ गराएका छन् । कार्यक्रममा मुख्यमन्त्री तथा कुलपति कार्की, सामाजिक विकास मन्त्री एवम् सहकुलपति पाँचकर्ण राई लगायतले बधाइ तथा शुभकामना दिएका थिए ।
कोशी प्रदेश सरकार स्थापना भएसँगै कोशी प्रदेशमा नेपालमै पहिलो पटक प्राविधिक विश्वविद्यालय स्थापना भएको थियो । यसअघि मनमोहन पोलिटेक्निक कलेजको रुपमा स्थापना भएपनि प्रदेश सरकार स्थापना भएसँगै यो कलेज विश्वविद्यालय बनेको हो ।
