काठमाडौं : पार्टीभित्र देखिएको विवादका विषयमा सत्तारुढ दल नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल 'प्रचण्ड'बीच छलफल भएको छ । वरिष्ठ नेता झलनाथ खनाललाई लिएर अध्यक्ष दाहाल ओलीलाई भेट्न आज बिहान बालुवाटार पुगेका थिए ।
छलफलमा नेताहरुबीच कुनै ठोस् सहमति नभएपनि संवादलाई निरन्तरता दिन भने सहमत भएको बालुवाटार स्रोतले जनाएको छ । यसअघि दाहाल पक्ष नेताहरु स्थायी समिति बैठक बसेपछि अध्यक्षद्वय दाहाल र ओलीबीच छलफल हुन सकेको थिएन ।
छलफलका क्रममा ओलीले विधि र प्रकृयाबाटै आफु पदबाट हट्ने दोहर्याएका थिए । दाहालले विवाद समाधानका लागि पार्टी बैठकलाई निरन्तरता दिनुपर्ने, विधि र पद्धतिको पालना हुनुपर्ने बताएको स्रोतले बतायो ।
यसअघि दाहाल पक्षको बालुवाटारमै बसेको बैठकले संवाद गरेर निकास खोज्ने जिम्मा दाहाललाई दिएको थियो । विवादकै कारण पार्टीको स्थायी समिति बैठक समेत अनिश्चित बनेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies