काठमाडौं : प्रधानमन्त्री कप महिला राष्ट्रिय क्रिकेट प्रतियोगिताको उपाधि प्रदेश एकले उचालेको छ । आईतबार दाङको लमहीमा भएको फाइनल खेलमा साविकको विजेता विभागीय टोली एपीएफलाई छ रनले पराजित गर्दै प्रदेश एकले पहिलोपटक उपाधि जितेको हो ।
उपाधिसँगै प्रदेश एकले नगद पाँच लाख प्राप्त गर्दा उप– विजेता बनेको एपीएफले तीन लाख प्राप्त गरेको छ । फाइनल खेलमा प्रदेश एकले प्रस्तुत गरेको एक सय ६ रनको विजयी लक्ष्यलाई पछ्याउँदै जवाफी ब्याटिङ गरेको एपीएफ निर्धारित २० ओभरमा ७ विकेट गुमाएर ९९ रनमा सिमित हुन् पुगेपछि प्रदेश १ लाई उपाधि उचाल्न पर्याप्त बन्यो ।
एपीएफका लागि ममता चौधरीले सर्वाधिक ३४ रनको योगदान गरिन् । भने करुणा भण्डारीले अविजित रहँदै २६ रन बनाइन् । यस्तै ओपनर ब्याटरले १४ रनको योगदान दिँदा अन्य खेलाडीले उल्लेख्य योगदान गर्न नसक्दा जितको नजिक पुगेर एपीएफ निराश हुन् पुग्यो । बलिङतर्फ प्रदेश १ का लागि कप्तान रुविना क्षेत्री र अलिशा खडियाले दुई दुई विकेट लिए भने संगिता राईले १ विकेट लिइन् ।
त्यसअघि देउखुरी क्रिकेट मैदानमा टस जितेर पहिले ब्याटिङ गरेको प्रदेश १ ले निर्धारित २० ओभर पूरै खेल्दै मात्र ४ विकेट गुमाएर १ सय ५ रन बनाएको थियो । कप्तान रुविना क्षेत्रीले १८ र अप्सरी बेगमले ३४, काजल श्रेष्ठले २९ रनको योगदान दिए ।
बलिङतर्फ एपीएफका लागि कप्तान सिता राना मगरले तीन विकेट हात पारिन् । यस्तै करुणा भण्डारीले १ विकेट लिएकी थिइन् । यो जित प्रदेश एकको लागि विशेष रहयो । अपराजित रहँदै पहिलो पटक उपाधि जित्यो। प्रतिद्वन्द्वी एपिएफलाई हराउनु प्रदेश टिमकोलागि अर्को ठुलो उपलब्धि हो। एपिएफ भने फाइनलमा हारेको यो तेस्रो पटक हो ।
यसअघि २०७२ मा जनकपुरसँग र सातौ राष्ट्रिय खेलकुदको विवादस्पद फाइनलमा पुर्वाञ्चलसँग हारेको थियो । प्लेयर अफ द सिरिजको उपाधि प्रदेश एककी संगिता राइले प्राप्त गरिन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies