फाइल फाेटाे
काठमाडाैं : कपिलवस्तु जिल्लाको कृष्णनगर नगरपालिका २ स्थित कृष्णनगर चोकबाट एपीएफ टोलीले करीव ७ लाख ६० हजार भारतीय रुपैयाँसहित एक जनालाई पक्राउ गरेको छ । घटना शनिबार बिहानको हो ।
पक्राउ पर्नेमा दाङ्ग जिल्लाको तुल्सीपुर उपमहानगरपालिका ८ बस्ने ७७ वर्षीय कृष्णबहादुर वली छन् । उनलाई सशस्त्र प्रहरी बल, नेपाल नम्बर ३९ गुल्म हेक्वा कपिलवस्तुबाट खटिएको एपीएफ टोलीले उक्त भारतीय रुपैयाँसहित पक्राउ गरेको हो ।
दाङ्गको तुल्सीपुरबाट कृष्णनगरतर्फ आउँदै गरेको भे १ ख २२९८ नम्बरको यात्रुवाहक बसमा सवार निज वलीलाई एपीएफ टोलीले शंका लागि जाँच गर्दा उनको साथमा उल्लेखित रकम फेला परेपछि पक्राउ गरेको हो ।
त्यस्तै एपीएफ टोलीले सप्तरी जिल्लाको तिलाठी कोईलाडी गाउँपालिका १ बाट शनिबार करीव एक लाख २७ हजार रुपैयाँ बराबरको चोरीपैठारीको सामान बरामद गरेको छ ।
भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको रजनी गन्धा तथा तुलसी सशस्त्र प्रहरी बल, नेपाल बोर्डर आउट पोष्ट तिलाठीबाट खटिएको एपीएफ टोलीले बरामद गरेको हो ।
एपीएफ टोलीले बरामद सामान आवश्यक कारवाहीको लागि राजविराज भन्सार कार्यालय सप्तरीमा बुझाएको छ ।
