काठमाडौं : नेत्रविक्रम चन्द (विप्लव) समूहका सेती–महाकाली ब्युरो इञ्चार्ज ओमप्रकाश पुन कटुवा पेस्तोल र गोलीसहित पक्राउ परेका छन् । विप्लव समूहका पोलिटब्युरो सदस्यसमेत रहेका पुनसँगै श्रीमती पूर्णीमा धामी पनि कैलालीबाट पक्राउ परेको प्रहरीले जनाएको छ ।
गोप्य सुचनाको आधारमा खटिईएको विशेष प्रहरी टोलीले खोज तलास गर्दै जाँदा आज बिहान ७ बजे उनीहरुलाई पक्राउ गरिएको जिल्ला प्रहरी कार्यालयका प्रहरी नायब उपरिक्षक प्रतिक बिष्टले बताए ।
प्रवक्ता बिष्टका अनुसार प्रदेश २–०३–००५ प ९५९७ नम्बरको मोटर साईकलमा जादैं गर्दा धनगढी उपमहानगरपालिकाको वडा नम्बर ७ वेली स्थित सडक खण्डबाट उनीहरुलाई नियन्त्रणमा लिइएको हो । साथै पुनले बोकेको झोला भित्र लुगामा लुकाई राखेको अवस्थामा कटुवा पेस्तोल थान १ र गोली राउण्ड १ समेत बरामद गरिएको छ । उनीहरुमाथि आवश्यक अनुसन्धान भइरहेको प्रहरीले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies