काठमाडौं : नेपाल लोकतान्त्रिक वैदेशिक रोजगार व्यवसायी एशोसिएसनले कतार। स्थित नेपाली दूतावासको सेवा शुल्क सम्बन्धी सूचना अवैधानिक रहेकोे भन्दै उक्त सुचना खारेजीको लागि एकतावद्द भई आवाज उठाउन आग्रह गरेकोे छ । एशोसिएसनका अध्यक्ष नरेन्द्र प्रसाद ढकालले नेपाल सरकारले जारी गरेको मागपत्र प्रमाणीकरण निर्देशिकामा उक्त प्रावधान नरहेको भन्दै मन्त्रिपरिषद्ले नगरेको निर्णय राजदूतले गर्न नसक्ने बताए ।
विगतमा तत्कालीन राज्यमन्त्री टेक बहादुर गुरूङले ६ महिनाको लागि परिक्षण भन्दै लागू गरेको फ्रि भिसा फ्रि टिकटको निर्णय खारेज गरि कामदारले पाउने एक महिनाको तलव बराबरको रकम सेवाशुल्क बापत लिन पाउनुपर्ने माग राखिरहेको बेला त्यस विपरीत सूचना जारी गर्नु व्यवसायीको हितमा नरहेको अध्यक्ष ढकालले बताए ।
यस विषयमा छाता संस्था नेपाल वैदेशिक रोजगार व्यवसायी संघसंग छलफल गरेर थप कदम चालिने पनि अध्यक्ष ढकालले बताए ।
