काठमाडौंः व्यवसायी वर्षा कुँवरले ‘मिसेस ब्यूटी क्वीन नेपाल सिजन ७' को ताज जितेकी छन् । सिजन मिडियाले आयोजना गरेको प्रतियोगितामा १३ जना प्रतियोगी सहभागीलाई पछि पार्दै कुँवरले ताज पहिरिएकी हुन् ।
वानेश्वरमा विभिन्न व्यवसाय गर्दै आएकी उनले ‘मिसेज पपुलर तथा सम्बन्ध मिसेस पर्सनालीटी’को उपाधी समेत प्राप्त गरिन् । उनले रेफ्रिजेनेटर, लेटमिइनको तर्फबाट ५० हजार बराबरको गिफ्ट भौचर र डम डाइनामीकबाट २० हजारको गिफ्ट भौचरका साथै अन्य उपहारहरु प्राप्त गरिन् ।
यस्तै करुणा विक फष्ट रनरअप भइन् । उनले मष्ट ट्यालेन्टको टाइटल अवार्ड पनि हात पार्न सफल भइन् । उनले ३२ इन्चको टिभि, लेटमिइनको तर्फबाट ३० हजारको गिफ्ट भौचर प्राप्त गरिन् ।
यसैगरी प्रतियोगितामा सेकेन्ड रनरअप रिन्जु कुसवहा भइन् । उनले फोटोजेनीकको पनि उपाधी जित्न सफल भइन् । थर्ड रनरअप सिवानी मित्र र चौथो रनरअप उर्मीला कनौजिया मगीया भइन् । अर्गनाइजर च्वाइसको उपाधी भने अन्जु क्षेत्रीले जित्न सफल भइन् ।
प्रतियोगिताका अन्य विधामा अनिता देवि साहले फेन्ड्ली उपाधी जितिज्। त्यस्तै, सविता पन्त इनोसेन्ट, कान्छी माया खयमली क्रियटीभ, अम्विका गजमेर भियोर्स च्वाइस, भावना ऐडी ब्यूटीफूल स्माइल, रुकमती भण्डारी लिडरसिप, अरुना घिमिरे मिसेज इनरजेटीक र हिरादेवी श्रेष्ठले ब्यूटीफूल अवार्ड पाइन् ।
कार्यक्रमकी प्रमुख अतिथि रहेकी उपसभामुख इन्दिरा रानाले यस्ता प्रतियोगीताले विवाहित महिलाहरुको सौन्दर्यका साथै आन्तरिक क्षमता,आत्मविश्वास र महिलाहरुको नेतृत्वमा थप बल पुग्ने विश्वास व्यक्त गरिन् । यस्तो कार्यक्रमहरुसँग जाेडिएर महिलाहरुलाई घरको चुला चौकोबाट हातेमालो गर्दै अझ सशक्त रुपमा जनचेतना तथा अधिकारको बारेमा सचेतना फैलाउन सकिने उनको भनाइ थियो ।
कार्यक्रमको निर्णायक भूकिकामा वर्ड डिलर्स भारतकी प्रबन्ध निर्देशक डा. विनिता राज, जुम्बा प्रशिक्षक तथा मोडल सोनाम केसी, नेपाल एयरहोस्टेस एकेडेमीकी प्रशिक्षक इश्वरा पछाई, एसोसिएट कन्सल्टेन्ट एमडी, साइकियाट्री डा. ऋचा अमात्य ,व्यवसायी सुनिता अधिकारी, कान्तिपुर टिभीकी उपसम्पादक तथा टिभी प्रस्तोता रुबिना थापा, गायिका मोडल तथा सामाजिक अभियन्ता रेखा शाह रहेकी थिइन् ।
