रौतहट : रौतहटको राजदेवी नगरपालिकामा मूर्ति सेलाउने क्रममा एक युवकको बागमती नदीमा डुबेर मृत्यु भएको छ । राजदेवी वडा नं ७ मुडवालवाका २२ वर्षीय सुरज यादवको नदीमा डुबेर मृत भएको प्रहरीले जनाएको छ ।
राजदेवी नपा वडा नं ६ बागमती नदीमा मंगलबार साँझ सरस्वती माताको मूर्ति सेलाउने क्रममा यादव नदीमा डुबेको थिए । राति अबेरसम्म सुरक्षाकर्मी र स्थानीयहरूले खोजतलास गरेपनि भेटिएका थिएनन् ।
तर बुधबार बिहानैदेखि पुनःस्थानीय र सुरक्षाकर्मीको सामूहिक खोजतलास पश्चात् पानीभित्र उनी जालमा अड्किएको अवस्थामा भेटिएका थिए ।
