काठमाडौं : नेपाली म्युजिक भिडियो निर्देशनको क्षेत्रमा चल्तिको नाम हो आदित्य बुढाथोकी । पछिल्लो समय म्युजिक भिडियो निर्माण क्रम बडेकोले बुढाथोकीलाई फुर्सद छैन । झण्डै डेढ दशक अघिदेखि म्युजिक भिडियो निर्देशनको क्षेत्रमा प्रवेश गर्नुभएका उहाँ बिशंखु नारायण, गोदावरीका स्थानीय हुन् ।
आफूलाई निर्देशनमा अब्बल बनाउँदै लगेका बुढाथोकीले दुई दर्जन बढी भिडियो निर्देशन गरिसके । शुक्रबार वुमेन्स एरा एण्ड मिडिया ग्रुप नेपालले राजधानीमा आयोजित कार्यक्रममा निर्देशक बुढाथोकीको कामको मूल्यांकन गर्दै ‘हिमालयन इन्टरनेशनल अवार्ड २०२१’बाट पुरस्कृत गरेको छ ।
चलचित्र निर्माता संघका अध्यक्ष आकाश अधिकारीको प्रमुख आतिथ्यतामा सम्पन्न उक्त कार्यक्रममा नेपाली कला, साहित्य जगतका बिशिष्ट ब्यक्तित्वहरुको उल्लेखनीय उपस्थिति रहेको थियो । निर्देशक बुढाथोकीले प्रताप दासको स्वर रहेको ‘ढुंगा मुडा..’ बोलको भिडियोबाट सर्वोत्कृष्ट अवार्ड पाएका हुन् ।
नयाँ पुराना प्रायः सबै गायक, गायिकाको गीतको भिडियो निर्देशन गरिसकेका बुढाथोकीका भिडियोहरु प्रायः चर्चामा रहेने गर्छ । मै राम्री, खुकुरीको दाप, नबोलेनी हासी राख, यो झरीमा तिमीसँगै, सम्झनाको, माया गर्ने मान्छे, ढुंगा मुढा, आमा, हे सानु, पूर्णिमाको रात, ‘कान्छी को, मेरो सास, करेन्ट लाग्छ, के भाको मलाई लगायत गीतको भिडियो निर्देशन गरिसकेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies