.jpeg)
काठमाडौं : मेडिकल व्यवसायी दुर्गा प्रसाईंलाई चार दिन हिरासतमा राख्न प्रहरीले अनुमति पाएको छ ।
काठमाडौं जिल्ला प्रशासन कार्यालयले उनलाई सार्वजनिक शान्तिविरुद्धको कसुरमा चार दिन हिरासतमा राख्न अनुमति दिएको हो ।
प्रसाईंलाई प्रहरीले सोमबार मध्यराति भक्तपुरस्थित निवासबाटै पक्राउ गरेको थियो ।
प्रसाईंले मंसिर ७ गतेदेखि आन्दोलन घोषणा गरेका थिए । यसका लागि प्रसाईंले राष्ट्र, राष्ट्रियता, धर्म–संस्कृति र नागरिक बचाउ महाअभियानको ब्यानरमा राजनीतिक गतिविधि गर्दै आएका छन् ।
यसअघि १५ चैतको हिंसात्मक आन्दोलनपछि पक्राउ परेका प्रसाईं अदालतको आदेशपछि छुटेका थिए । राजावादी गतिविधिमा संलग्न प्रसाईं बैंकबाट लिएको ऋण मिनाहा गरिदिनुपर्ने लगायत माग राख्दै आन्दोलनको तयारीमा थिए ।
.jpg)
.jpeg)
.png)
.jpeg)
