काठमाडौं : नेपाल वैदेशिक राेजगार व्यवसायी संघकाे २०८१ फागुन २ गतेका लागि ताेकिएकाे निर्वाचन सर्ने भएको छ । संघले आगामी २०८२ असार १७ गते निर्वाचनको नयाँ मिति तय गर्ने तयारी गरेको बताइएको छ ।
त्यसका लागि संघ कार्यसमितिको बैठकले सर्वसम्मत निर्णय गरिएको संघका महासचिव मेघनाथ भुर्तेलले मध्यान्हलाई जानकारी दिए । यसबारे जिल्ला प्रशासन कार्यालयलाई जानकारी गराइ सूचना प्रशासित गर्ने तयारी भईरहेको पनि महासचिव भुर्तेलले बताए । असार १७ गते संघको स्थापना दिवस पनि रहेको छ ।
वैदेशिक राेजगार व्यवसायीकाे इजाजत नवीकरणका लागि बाधक रहेको संख्या सय समस्याको समाधान, भवन खरिद प्रक्रिया टुंगोमा पुर्याउने र वैदेशिक राेजगार ऐन संशोधनलगायतका थाती रहेका महत्त्वपूर्ण काम पनि अनुभवी कार्यसमितिले टुंगोमा लगाउन सहज हुने विषयमा व्यवसायी र सत्तारूढ दलको संयन्त्रमा सहमति बनेको संघको भनाइ छ ।
