काठमाडौं : सरकारले नेपाल विद्युत् प्राधिकरणको कार्यकारी निर्देशक हितेन्द्रदेव शाक्यलाई हटाएर मनोज सिलवाललाई नयाँ कार्यकारी निर्देशकमा नियुक्त गरेको छ ।
आइतबार बसेको मन्त्रिपरिषद् बैठकले शाक्यलाई जल तथा ऊर्जा आयोगमा सरुवा गर्दै सिलवाललाई प्राधिकरणको नेतृत्व सुम्पने निर्णय गरेको हो ।
गृहमन्त्री ओमप्रकाश अर्यालका अनुसार सिलवाल यसअघि प्राधिकरणमै उपकार्यकारी निर्देशकको भूमिकामा कार्यरत थिए ।
