कर्ण कुमाल/मध्यान्ह
कालीकोट : कालिकोटको पलाता गाउँपालिकाको थिर्पुदेखि राडुनेटा सम्मको ११ किलोमिटर सडकमा गाडी पुगेको छ । स्थानीय तहको निर्वाचनपछि स्थानीय तहमा गाडी संचालन गर्ने पलाता गाउँपालिका पहिलो गाउँपालिकाको रुपमा चिनिएको छ । स्थानीय तहको बजेटबाट गाउँपालिकाले २ वटा गाडी संचालन गरेको हो । पलाता गाउँपालिकाको अस्थाई केन्द्र थिर्पुदेखि राडुनेटा अबदेखि सहज रुपमा गाडी संचालन हुने भएको छ । गाँउपालिकाले जनयुद्ध दिवसका अवसरमा पलातामा साझा यातायात संचालन गर्ने लक्ष्य सहित गाडी पुर्याएको हो ।
गाउँपालिकाका अध्यक्ष लक्ष्मण बहादुर बमले जनताका सामु आफूले गाडी पुर्याउने वाचा गरे अनुरुप नै गाडी पुर्याएको बताए । अध्यक्ष बमले भने ‘कर्णालीमा पुल थिएन तर पनि गाडी राडुनेटा पुर्याएका र्छौ, हामी खुसी र्छौ ।’ गाडी पुगेकोमा त्यहाँका स्थानीयबासी पनि हर्षित भएका छन् ।
कर्णाली नदिमा न पुल छ नत फेरी नै तर पनि गाउँपालिकाले तेलका खालि ड्रममाथि काठ बाँधेर काठमाथि गाडी राखेर दुईवटा गाडी लगेको थियो । पलातामा हालसम्म करिब १५ करोड बराबरको लगानीमा २९ किलोमिटर सडक गाडी गुडाउन सकिने गरी ट्रयाक खोलिएको छ । गाँउपालिका स्थित बेल्के ढुंगा, मोहर, सैन, पुलाहा हुँदै राडुुनेटा जोड्ने सडकको ११ किलोमिटर, थिर्पु बेरसैनकोट सडक खण्डको ५ किलोमिटर, ओदी काँध छलाँहा सडक खण्डको ११ किलोमिटर र सैन हुँदै गाँउपालिकाको केन्द्र लोहोडे सडक खण्डको २ किलोमिटर सडकमा गाडी चलाउन सकिने गाउँपालिका अध्यक्ष बमले बताए । यसले पलाताका ८० प्रतिशत घरधुरीहरुलाई यातायात सेवा उपलब्ध हुनेछ ।
गाउँपालिकाले सुरुवातमा चार वटा गाडी खरीद गरी २ वटा जुम्लाको ओदीदेखी पलाताको खीनको जाँफ्यसम्म सञ्चालन गर्ने र २ वटा गाडी पलाता गाउँपालिका थिर्पुदेखी राडुनेटासम्म संचालन गरिने छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies