काठमाडौं : भारत सरकारले नेपालका विभिन्न पाँच जलविद्युत आयोजनाबाट उत्पादन भएको थप २०० मेगावाट विद्युत् खरिदका लागि सहमति प्रदान गरेको छ ।
यसअघि नेपालबाट ८१०.९ मेगावाट विद्युत् आयातका लागि भारतले अनुमति दिएको थियो । थप २०० मेगावाटसहित अब नेपालबाट भारतमा १०११ मेगावाट विद्युत् निर्यातको बाटो खुलेको नेपाल विद्युत् प्राधिकरणले जानकारी दिएको छ ।
बंगलादेश निर्यातको ४० मेगावाटसहित नेपालको कुल निर्यात स्वीकृति १०५०.९ मेगावाट पुगेको प्राधिकरणले जनाएको छ ।
पछिल्लो पटक साउन २६ गते भारत सरकारबाट प्राप्त स्वीकृति ११ अगस्ट २०२५ देखि ३१ अक्टोबरसम्मका लागि रहेको छ । यसअन्तर्गत लिखु–२, लिखु खोला ए , लोअर सोलु, ठुलो खोला ,सुपर कावेली खोला ए र सुपर कावेली खोलाबाट उत्पादन भएको विद्युत् निर्यात हुने छ ।
गत आर्थिक वर्ष २०८१/८२ मा नेपालले भारत विद्युत् निर्यात गरेर १७ अर्ब ४७ करोड रुपैयाँ आम्दानी गरेको थियो ।
.jpg)
