दिपेन्द्र श्रेष्ठ/मध्यान्ह
भक्तपुर : भक्तपुर चेम्बर्स अफ कमर्सका अध्यक्ष न्हुछेरत्न मानन्धरले समूहमा लगानी गर्न उत्प्रेरित गर्नुपर्ने आवश्यकता रहेको बताएका छन् । अबको व्यवसायीहरुले नयाँ व्यवसायीक संभावनाहरुका बारेमा खोजीनीति गरी लाग्नुपर्नेमा जोड दिएका छन् ।
अध्यक्ष मानन्धरले भक्तपुरमा आयोजना गरिएका अभिमुखिकरण कार्यक्रममा चेम्वरले आफ्ना सदस्यहरुबाट मात्रै नभई गैर सदस्य, सरकारी तथा स्थानीय निकायहरु र सामाजिक क्षेत्रबाट समेत चेम्बर प्रतिको अपेक्षामा वृद्धि भएको बताए । उनले व्यवसायीक समस्या र चुनौतीहरुसंग सामना गर्नेकाम चेम्बरले गर्दै आएको बताए ।
सरकारी तथा स्थानीय निकायहरुमा माग मात्र पेश गर्ने नभई वैकल्पिक उपायहरु समेत राय सुझावको रुपमा उपलब्ध गराउन चेम्बर सक्रिय रहेको अध्यक्ष मानन्धरले दाबी गरे । सामाजिक उत्तरदायित्वप्रति सचेत रहदै चेम्वरले विभिन्न सामाजिक गतिविधिहरुमा आवद्धता रहेको र रहने बताए । मंगलबार मध्यपुर थिमीको दुईपोखरीमा आँंखा शिविर सञ्चालन गर्न लागेकोले सबैलाई लाभ लिन उनको अनुरोध थियो । अभिमुखिकरणमा चेम्बरका सल्लाहकार र कार्यकारी अधिकृत लगाएतले धारणा राखेका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies