काठमाडौं : विश्विभर तीव्र रुपमा फैलिएको प्राणघातक कोरोना भाइरस (कोभिड–१९)को संक्रमणका कारण रोजगारदाताहरुले कामदार कटौती शुरु गर्दा वैदेशिक रोजगारीमा रहेका नेपाली कामदार प्रभावित बन्न थालेका छन् ।
गतवर्ष नाभेम्वरमा चीनमा कोरोना भाइरसको संक्रमण देखा परेपनि विगत तीन हप्तायता विश्वव्यापी लक डाउनको अवस्था उत्पन्न भएपछि आप्रवासी कामदार समस्यामा पर्न थालेका हुन् ।
यस क्रममा यूरोपपीय मुलुक रोमानियामा करीब २ हजार ५ सय नेपालीहरु प्रभावित भएका छन् । नेपाल वैदेशिक रोजगार व्यवसायी सघका महासचिव सुजित कुमार श्रेष्ठका अनुसार मेड सर्भिस, हस्पिटालिटि, निर्माण र अन्य क्षेत्रमा कार्यरत कामदार वढी प्रभावित रहेका छन् ।
त्यसमध्ये हस्पिटालिटि क्षेत्रका करिब ५ सय कामदारलाई बेतलबी बिदामा राखिएको छ भने करिब एक हजार निर्माण तथा अन्य क्षेत्रका कामदारहरुलाई रोजगारदाताले ७५ प्रतिशत तलब दिने सर्तमा छुट्टी दिएर राखेका छन् ।
रोमानियाका रोजगारदाता र कामदार विच विदाका वारेमा विवाद भएपछि रोमानियाका लागि नेपाली महावाणिज्य दूत नवराज पोखरेल सक्रियभई नेपाली कामदार र रोजगारदाता बीच सहमति गराएका थिए ।
संघले समस्या समाधाना लागि पहल गरेका महावाणिज्युत पोखरेललाई धन्यवाद व्यक्त गर्दै रोमानियामा कामदार पठाएका वैदेशिक रोजगार व्यवसायीहरुलाई आफुले पठाएका कामदारबारे जानकारी लिन र समस्या भए समाधानको पहल गर्न आग्रह गरेको छ ।
युरोपियन मुलुक रोमानियामा कोरोना भाइरसको संक्रमणबाट ८० भन्दा बढीले ज्यान गुमाएका भएपनि नेपाली कामदार परेको खवर छैन । त्यहाँ करीब दुई हजार ५ सय जान संक्रमित भएको बताइएको छ ।
योगी योगेन्द्र/मध्सान्ह
दोहा : विश्वभर महामारीको रुपमा देखा परेको कोरोना भाइरस (कोभिड- १९) नियन्त्रणमा कतार सरकारले चालेको विभिन्न साबधानी कदमहरुको नेपाली समुदायले पालना गरिरहेको छ ।
यसै क्रममा यहाँ रहेका केहि नेपाली श्रमिकहरुलाई खानाको समस्या परेको र गाँव आवाशीय नेपाली संघ एनसीसी कतारको सम्पर्कमा आएकाले एनसीसी कतारद्वारा सार्बजनिक सूचना जारी गरि पीडित श्रमिकहरुको विवरण संकलन गरी रहात वितरण गरिएको एनआरएनए एनसीसी कतारका अध्यक्ष मोहम्मद मुक्तदा मुसलमानले जानकारी दिए ।
कतार रेड क्रसियन्टमार्फत दोहाको विभिन्न स्थानमा रहेका ३ शय नेपाली कामदारहरुलाई खाद्यान्न वितरण गरिएको हो । आगामी चरणमा पनि खाद्यान्न वितरण र कोरोना भाइरस रोकथामका लागि अति आवश्यक पर्ने स्वास्थ्य सामग्रीहरु वितरण गर्ने कार्यक्रम रहेको अध्यक्ष मुसलमानले बताए ।
कतारमा नयाँ ११४ जना कोरोना भाइरसको संक्रमित भेटिएका छन् । थप १ जना मृत्यु भएको छ यो सगै मृत्यु हुनेको सङ्ख्या तीन पुगेको छ । कतारमा भाइरस संक्रमितको संख्या ९ शय ४९ पुगेको छ । अहिलेसम्म सम्म २६ हजार २ सय ६० जनाको स्वास्थ्य जाँच गरिएको कतारको स्वास्थ्य मन्त्रालयले जनाएको छ ।
काठमाडौं : साउदी सरकारले त्यहॉको मक्का र मदिना क्षेत्रमा अनिशिचितकालीन २४ घण्टे कर्फ्यू लगाएको छ । कोरोनाको संक्रमण बढ्दो देखिएपछि उक्त क्षेत्रमा अनिश्चित कालका लागि २४ घण्टे कर्फ्यू लगाइएको हो । साउदीस्थित नेपाली राजदुतावासले सो क्षेत्रमा रहने नेपालीहरुलाई कर्फ्यूको २४ घण्टे समयलाई पूर्ण पालना गर्न अनुरोध गरेकोछ । सरकारले तोकेका स्वास्थ्य सम्बन्धी अपवाद र स्थानीय अधिकारीहरुले अनुमति दिएको अत्यावश्यक सेवा बाहेक कुनैपनि वहानामा बाहिर ननिस्किनसम्त दूतावासले अनुरोध गरेको छ ।
यस्तै साउदीको रियाद क्षेत्रको कर्फ्यूको समय यथावत दिनको ३ बजेबाट भोलिपल्ट ६ बजेसम्म रहेको जानकारी गराउँदै दुतावासद्वारा यसको पूर्ण पालना गर्न र कर्फ्यू पालना वा उल्लंघन सम्बन्धी कुनै पनि भिडियोहरु सामाजिक संजालमा नराख्न पनि सबैमा अनुरोध गरिएको श्रम काउन्सेलर जीवन राईले जानकारी दिए ।
साउदी अधिकारीहरुले जारी गरेको तथ्यांक अनुसार साउदी अधिराज्यमा कोरोना भाइरसबाट संक्रमितको संख्या बिहीबार १ हजार ८८५ गुग्के छ । बिहीबार थप १६५ जनामा संक्रमण भएको छ भने मक्का, मदिना र जेद्दा क्षेत्रम बिहीबार १२४ जनामा संक्रमण भएको छ । कुल संक्रमितहरु मध्ये हालसम्म ३२८ जना निको भएका छन् । बिहीबार ५ जना संक्रमितहरुको मृत्यु भएसँगै साउदीमा कोरोना संक्रमणबाट मृत्यु हुनेको संख्या २१ पुगेको छ ।
प्राप्त जानकारी अनुसार आजसम्म नेपालीहरूमा संक्रमण छैन ।यद्यपि साउदी अरबमा कोरोना भाइरसको संक्रमण बढ्दो क्रममा रहेकाले आउदा दिनहरुमा पनि संक्रमण हुनबाट बच्न अत्यन्त सावधानी अपनाउन सम्पूर्णमा नेपाली राजदूतावासले अनुरोध गरेकोछ ।
काठमाडौं : लेवनानमा घानाकी एक घरेलु कामदारको बर्बरतापूर्ण हत्यापछि त्यहाँ कार्यरत २ लाख ५० हजार अन्य कामदारको सुरक्षामा गम्भीर प्रश्न उठेको छ ।
हत्या पछि रोजगारदाताले शब नै गायव पारेपछि कोरोना भाईरस संक्रमण वीच त्यसको निश्पक्ष छानवीनका लागि अन्तरराष्ट्रिय रुपमा आवाज उठेको छ । गत मार्च १४ तारेखका दिन घानाकी एक २३ वर्षीया घरेलु कामदार फौस्तिना तायको लेवनानको बेरुतमा चारतलाबाट खसालेर हत्या भएको थियो ।
ती कामदार बेरुतस्थित रोजगारदाताको कारपार्कमा मृत अवस्थामा फेला परेकी थिइन् । फोरेन्सिक रिपार्टमा उनको मृत्यु अग्लो स्थानबाट खसालिएको कारण लागेको चोटबाट भएको उल्लेख छ ।
अल जजिरा टेलिभिजनले रोजगारदाताले आप्रवासी घरेलु कामदारको हत्या गरेको दावी गर्दै निरन्तर समाचार प्रशारण गरेपछि मात्र लेवनानको श्रम मन्त्रालयले घटनाको विषयमा अध्ययन गर्ने प्रतिवद्धता जनाएको छ ।
त्यसको एक हप्ता अघि मृतकले ४० मिनेटको भ्वाईस म्यासेज सहित हतास मनस्थिति दर्साउने दर्जनौ टेक्स म्यासेज घानास्थित आफ्ना भाइ र अधिकारकर्मीहरुलाई पठाएकी थिइन् । म्यासेजमा उनका रोजगारदाता हुसेन दिया अलि कमलले चार पटक पिटेको उल्लेख छ ।
निरन्तर काम गर्नुपर्ने वाध्यताकाकारण आफुलाई काम गर्न समस्या रहेको र २४ घण्टाको अवधिमा ६ घण्टापनि सुत्न नपाएको भन्दै घर फर्किन चाहेको मालिकसंग बताएपछि यातना शुरु भएको पनि म्यासेजमा उल्लेख छ ।
मृतकका भाइ जोसुवाडेमयााले आफ्नी दिदीको शब उनको मुलुक घाना लैजान नदिइ लेवनानमै गाडिएको दावी गरेका छन् । विश्वभर तीव्र रुपमा फैलिएको प्राणघातक कोरोना भाईरस (कोभिड–१९)को संक्रमणका कारण लेवनान र घानाले पनि आफ्नो देशमा अवतरण गर्ने सबै अन्तर्राष्ट्र्य उडानमाथि प्रतिवन्ध लगाएको छ ।
लेवनानमा २ लाख ५० हजार भन्दाबढी आप्रवासी घरेलु कामदार रहेका छन् । तर उनीहरु सबै मालिकको तजवीजीमा रहने काफला प्रणालीमा आधारित रहेका छन् । कोरोना भाईरसका कारण घर जान नपाएपनि उनीहरु पीडा भएपनि मालिकको घरमै बस्न वाध्य भएको बताइएको छ ।
अधिकारकर्मीहले निरन्तर रुपमा काफला प्रणाली हटाउन माग गरेपनि लेवनानले त्यसको सुनुवाई नगरेको अलजजिराको भनाई छ । काफला प्रणालीमा मालिकको सहमतिले मात्र घरेलु कामदारले आफ्नो करार समाप्त गर्न पाउँछन् । तर कोरोना भाईरसको वर्तमान विश्वव्यापी संक्रमणका कारण अधिकांश रोजगारदाता कामदारको करार समाप्त गर्न सहमत नहुने बताइएको छ ।
रोजगारदाताको सहमति विना काम वा घर छोडेमा कामदार अवैध हुने , जेल सजाय वा देश निकालाको अवस्थामा पुग्नुपर्ने वाध्यता रहेको छ ।
योगी योगेन्द्र/मध्यान्ह
दोहा : ओमानले कार्यरत श्रमिकलाई तोकिएको काम र सेवा सुविधा कम गर्न र जबरजस्ती बिदामा बस्न बाध्य नपार्न सबै निजी क्षेत्रलाई अपील गरेको छ ।
कोरोनाको कारण उत्पन्न परिस्थितिले श्रमिकलाई खाइपाई आएको तलब र सेवा सुविधा कटौती नगर्न ओमान सरकारले यस्तो निर्देशन दिएको ओमानस्थित नेपाली दूतावासले जनाएको छ ।
हालसम्म कोरोना भाइसरको कारणले ओमानमा एक ७२ बर्षीय ओमानी नागरिकको मृत्यु भएको छ । संक्रमितको सङ्ख्या २१० जना पुगेको छ । ३४ जना पूर्णरूपमा नीको भएर घर फर्किएको छन् । हालसम्म त्यहॉ नेपालीहरू कसैमा पनि यसको संक्रमण नदेखिएको दूताबासले जनाएको छ ।
यसै परिस्थितिलाई मध्यनजर गर्दै ओमानी जनशक्ति मन्त्रालयले रोकथामको लागि कामदारहरूको संख्यामा कमी गर्ने देखि लिएर काम गर्ने स्थलमा पूर्व सावधानी अपनाउने र मानिसहरूको हिंडडुलमा आंशिक प्रतिबन्ध लगाएको छ।
अत्यावश्यक बाहेक र कामको समय बाहेक अन्य समयमा सार्वजानिकस्थलहरूमा भेला नहुन तथा भीडभाड नगर्न समेत दूताबासले अपिल गरेको छ ।
कोरोना भाइरसका कारण उत्पन्न यो अवधिमा भिसा सकिएमा जरिबाना नपर्ने गरी यो अवधि सकिनासाथ निर्णय गरिने जनाइएको छ । अप्रिल १ देखि अर्को सूचना जारी नहुँदासम्म ओमानको हम्रिया, दारसाइट, रूवी, बादि कविर लगायत क्षेत्रमा हुनेले अत्यावश्यक सामान किन्न बाहेक बाहिर ननिस्कन पनि दूतावासले अनुरोध गरेको छ ।
कोरोना सम्बन्धी कुनै लक्षण देखापरमा हटलाइन १२१२ वा २४४४१९९९ मा सम्पर्क गर्न सकिने दूताबासले जनाएको छ ।
योगी योगेन्द्र/मध्यान्ह
दोहा : कतारमा विश्व महामारीको रुपमा रहेको कोरोना भाईरस (कोभिड-१९) संक्रमणको कारण लकडाउनमा रहेको सनैया क्षेत्रको १ देखि ३२ नम्बर सम्मको एरिया अर्को सूचना जारी नहुन्जेल सम्म थप बन्द गरिएको छ ।
खाना र स्वास्थ्य सामग्री अभाब हुन नदिने तथा आपतकालिन अवस्थाको लागि त्यस ठाउँमा तीन वटा क्किनिक राखिने बुधबार एक पत्रकार सम्मेलन गरी जानकारी दिइएको छ ।
यस्तै निजी क्षेत्रका ८० प्रतिशत कामदारले घरबाटै काम गर्नुपर्ने र बाँकीले बिहान सात बजेदेखि दिउसो एक बजेसम्म मात्र काम गर्न पाउने (फार्मेसी होटेल र फूड डेलिभरी बाहेक) छन् ।
कम्पनीका सवारी साधनहरुले क्षमता भन्दा आधा मात्रै कामदार बोक्न पाउने छन् भने सरसफाई कम्पनीहरुले घरको काम बन्द गर्नु पर्नेछ I
कोरोना भाईरस (कोभिड-१९) बाट बुधबार थप ५४ जना संक्रमित भएको पुष्टि भएको छ । यो संगै कतारमा भाइरस संक्रमितको संख्या ८ सय ३५ पुगेको छ भने अहिले सम्म २ जनाको मृत्यु भएको छ। अहिले सम्म ७१ निको भएर घर फर्किएका छन् ।
हालसम्म २४ हजार ८ सय २५ को जाँच गरिएको कतारको स्वास्थ्य मन्त्रालयले जनाएको छ । अहिले सम्म नेपालीहरूमा भने संक्रमण नदेखिएको कतारस्थित नेपाली दूतावासले जनाएको छ ।
योगी योगेन्द्र/मध्यान्ह
दोहा : कुवेतमा पहिलो पटक एक नेपालीमा कोरोना भाइरस (कोभिड–१९) को संक्रमण देखिएको छ । ती नेपाली कोरोना संक्रमितको सम्पर्कमा भएका कारण सरेको बताइएको छ ।
कुवेतको स्वास्थ्य मन्त्रालयले सार्वजनिक गरेको तथ्यांकमा १ जना नेपालीसहित २८ जना नयाँ संक्रमित फेला परेका हुन् । कुवेतमा कोरोना संक्रमितको संख्या ३ सय १७ पुगेको छ ।
त्यहाँ ८० जना उपचारपछि पूर्णरुपमा निको भएका छन् । त्यस्तै २३७ जनाको उपचार भैरहेको कुवेतको स्वास्थ्य मन्त्रालयले जनाएको छ ।
यसैबीच कुवेतस्थित नेपाली दूताबासले कुवेत सरकारले कोरोना सङक्रमण रोकथामका लागि रातिको समयमा अनिश्चितकालिन कर्फ्यु लगाएको भन्दै कर्फ्युको पूर्णरुपमा पालना गर्न अनुरोध गरेको छ । कर्फ्यु नमानेमा जेल सजाय र १० हजार कुवेती दिनार जरिवाना हुने दूतावासले जनाएको छ ।
काठमाडौं : साउदी अरबमा कोरोना संक्रमितको संख्या बढ्दै गएको छ । त्यहाँ हालसम्म कोरोना भाइरस (कोभिड - १९)बाट संक्रमितहरुको संख्या १ हजार ७२० पुगेको छ । साउदी अधिकारीहरुले जारी गरेको तथ्यांक अनुसार साउदी अधिराज्यमा कोरोना भाइरसबाट बुधबार ( आज ) थप १५७ जनामा संक्रमण भएको छ ।
कुल संक्रमितहरु मध्ये हालसम्म २६४ जना निको भएका छन् । साउदीमा आज ६ जना संक्रमितहरुको मृत्यु भएसँगै मृत्यु हुनेको संख्या १६ पुगेको छ । प्राप्त जानकारी अनुसार आजसम्म नेपालीहरूमा यसकाे संक्रमण भेटिएकाे छैन ।
साउदीस्थित नेपाली राजदूतावासले साउदी सरकारले कामदारको सहमति वेगर वेतलवी विदामा राख्न नपाइने गरी केही दिन अगाडि जारी गरेको निर्देशनबारे स्मरण गराउँदै कहि कतै कुनै कम्पनीले कामदारको सहमति वेगर तलव र विदा सम्बन्धि कुनै कागजातमा हस्ताक्षर गर्न अनुरोध भएमा साउदी सरकारद्बारा जारी सो संबन्धि कागजात उपर सम्बन्धित कम्पनीको ध्यानाकर्षण गराउन अनुरोध गरेकोछ ।
साउदी अरबमा कोरोना संक्रमणको शुरुवात भएको बुधबार १ महिना पुगेको छ । यस अवधिमा साउदी अरबमा रहेका नेपालीहरुमा यो भाइरस संक्रमणको जानकारी प्राप्त नभएको दूतावासले जनाएको छ । साउदीमा संक्रमण घट्दो क्रममा नरहेकाले आउँदा दिनहरुमा पनि संक्रमण हुनबाट बच्न अत्यन्त सावधानी अपनाउन सम्पूर्णमा अनुरोध गरिएको नेपाली राजदूतावासका श्रम काउन्सेसर जिवनकुमार राईले जानकारी दिए ।
.jpg)
काठमाडौं : कोभिड - १९ (कोरोना भाइरस) संक्रमणले व्यापार व्यवसायमा गंभीर असर देखाउन थालेपछि यूएई सरकारले विदेशी कामदारलाई करार पुन : संरचनात्को माध्यमबाट व्यवस्थापनका लागि रोजगारदाताहरुलाई अनुमति दिएको छ । त्यहाँको ह्युमन रिसोर्स तथा ईमिरिटाईजेशन मन्त्रालयका अनुसार कामदार व्यवस्थापनको निर्णय यूएईका नागरिकहरका लागि भने लागु हुने छैन । निर्णय मार्च २६ देखि नै रोजगारदाताले लागू गर्न शुरु गरेका छन् ।
मानव संशाधन तथा इमिरेट्स मन्त्री नासिर थानी अल हम्लीले कोरोना भाइरस संक्रमणबाट अर्थतन्त्रमा देखिएको असरलाई न्यूनिकरण गर्न रोजगारदाता र आप्रवासी कामदारबीचको करार सम्बन्धलाई पुनः संरचना गर्न पाउने गरि अनुमति दिएको बताएका छन् ।
वैदेशिक रोजगारीमा जाने नेपाली कामदारका लागि चौथो प्रमुख गन्तव्यका रुपमा रहेको युएईमा वार्षिक करिब ५० हजार नेपाली कामदार रोजगारीका लागि जाने गरेका छन । यूएईमा विभिन्न क्षेत्रमा आप्रवासी कामदार रहेका छन् । त्यस मध्ये निर्माण तथा सेवा क्षेत्रलगायतमा ४ लाख बढी नेपाली कामदार रहको अनुमान छ । कामदार पुन: संरचना गर्न रोजगारदातालाई दिइएको यो अधिकारले अन्य देशका जस्तै ठूलो संख्यामा रहेका नेपाली कामदारहरु पनि प्रभावित हुने देखिएको छ ।
यूएई सरकारको अनुमति पछि त्यहाँका रोजगारदाताहरुले कामदारहरुलाई तलवी विदा, वेतलवी विदा, अस्थाथी वा स्थायी तलव कटौती जस्ता प्रकृया अपनाएर कामदारको कारण कम्पनीलाई उत्पन्न हुने आर्थिक भार कम गर्न थालेका छन् । युएईले रोजगारीबाट हटाएको कामदार अर्को रोजगारीमा जोडिएको वा घर फर्किने अवस्थासम्म आवासको सुविधा भने दिनु पर्ने प्रावधान राखेको छ ।
युएई सरकारले विद्युतीय प्रविधिसंग सम्वन्धित रोजगारमा डाटा प्रणालीबाट आफुलाई आवश्यक जनशक्ति खोज्न, त्यसरी खोजेको कामदारको प्रकृति अनुसार (स्थायी, अस्थायी) अनुसारको श्रम स्वीकृतिको अनुमतिका लागि विद्युतीय प्रणाली मार्फत आवेदन दिन सकिने जनाएको छ ।
दोहा : कतारको प्रशासनिक विकास,श्रम तथा सामाजिक मामिला मन्त्रालयले आप्रवासी कामदारको समस्या समाघानको लागि हटलाइन सेवा शुरु गरेको छ । जस अनुसार कामदारले आफ्नो समस्या ९२७९७ मा ५ लेखि आफ्नो कतारी आइडी नम्बर अथवा भिसा नम्बर ईण्ट्री गरेर म्यासेज पठाउन सक्नेछन् ।
यो नयाँ सेवा कामदारसंग सम्पर्क गरि विभिन्न भाषामा उनीहरुको समस्या समाधानका लागि सुचारु गरिएको मन्त्रालयका सहायक सल्लाहकार मुहम्मद हस्सन अल ओबैदलीले मंगलबार गरिएको पत्रकार सम्मेलनमा जानकारी दिएका छन् ।
त्यस्तै कोरोना भाइरसका कारण कतार बाहिर रहेका कामदारको सकिएको भिसा भाइरसको महामारी सकिए पश्चात आफै नवीकरण हुने र कामदारले बिना जरिवाना कतार आउन पाउने पत्रकार सम्मेलनमा बताइएको छ ।
क्वारेन्टाइनमा रहेका कामदार तथा अन्य कर्मचारीले पुरा तलब सहित अन्य सुविधा पाउने पनि मन्त्रालयले पत्रकार सम्मेलनमा बताएको छ ।
Bagbazar Kathmandu
Phone : 014226366, 014228298
Mobile : 9841293261, 9841206411
Email : [email protected]
सूचना विभाग दर्ता नं. : 807/074/075
© 2020 मध्यान्ह सर्वाधिकार सुरक्षित | Managed by Bent Ray Technologies