गौरीशंकर जयसवाल/मध्यान्ह
परासी : पश्चिम नवलपरासीको सरावलबाट प्रहरीले करिब ३० हजार रुपैयाँ मूल्य बराबरको काठसहित ६ जनालाई पक्राउ गरेको छ । नवलपरासीको वासा प्रहरी चौकीबाट खटिएको टोलीले बुधबार काठसहित ६ जनालाई पक्राउ गरेको हो ।
सरावल–२ देबीनगर क्षेत्रबाट अबैध रुपमा काठ चोरी गरी ल्याउँदै गरेको अवस्थामा ७ वटा चारपाट काठसहित उनीहरुलाई पक्राउ गरिएको वासा प्रहरी चौकीका महेश रायमाझीले जानकारी दिए । उनका अनुसार करिव ३० हजार मूल्य बरावरको काठ पनि बरामद भएको छ ।
सरावल सवडिभिजन बन कार्यालय बर्दघाटका प्रमुख रामनारायण शाहका अनुसार पक्राउ पर्नेमा सरावल–१ नर्सही बस्ने ईन्द्रजित थारु, चानेदार थारु, परशेश्वर चौधरी, शेष नारायण थारु, नगेन्द्र यादव र लक्ष्मण थारु रहेका छन् । पक्राउ परेका ब्यक्ति र काठ बर्दघाट सरावल सवडिभिजन बन कार्यालय बर्दघाटको जिम्मा लगाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies