भन्सार छली गरेर ल्याइएको २२ बोरा चिनी बरामद

कुलेन्द्र शाही/मध्यान्ह

सुर्खेत : सुर्खेत भेरिगंगा नगरपालिका वडा नं १० तोलिखोला स्थित नेपालगञ्ज-सुर्खेत सडक खण्डमा भन्सार छली गरेर ल्याइएको २२ बोरा चिनी प्रहरीले बरामद गरेको छ ।

प्रहरी सहायक निरीक्षक खगिराम सारुको कमाण्डमा खटिएको प्रहरी टोलीले बिल भर्पाइ नभएको भन्सार छली चोरी पैठारी गरी चामलको बोरामा ल्याइएको २२ बोरा अवैध चिनी बरामद गरी आवश्यक कानूनी प्रक्रियाका लागी नेपालगञ्ज भन्सार कार्यालय, बाँकेमा पठाएको इलाका प्रहरी कार्यालय छिन्चुले जानकारी दिएको छ ।

कोप–२८ सम्मेलन आजदेखि, प्रधानमन्त्री दाहाल दुबईमा

काठमाडौं : जलवायु परिवर्तनसम्बन्धी संयुक्त राष्ट्रसंघीय संरचना महासन्धिको २८औं सम्मेलन (कोप–२८) सामूहिक जलवायु कार्यलाई तीव्रता दिने आह्वानका साथ आजदेखि शुरु हुँदैछ । संयुक्त अरब इमिरेट्स (यूएई)को दुबईमा हुन लागेको यो सम्मेलन यही मङ्सिर २६ गतेसम्म चल्नेछ ।

मानव इतिहासमा सबैभन्दा तातो वर्षको रूपमा रेकर्ड गरिएको र जलवायु संकटको प्रभावले विश्वभरि मानव जीवन र जीविकोपार्जनमा अभूतपूर्व विनाश ल्याएको समयमा यो सम्मेलन हुँदैछ । जलवायु सम्मेलन जलवायु प्रतिबद्धतामा कार्य गर्न र जलवायु परिवर्तनको नराम्रो प्रभावलाई रोक्नका लागि एक निर्णायक क्षण हो । कोप–२८ को अध्यक्षता यूएईले गरेको छ र यस वर्षको अध्यक्षमा डा सुल्तान अल जाबेर रहेका छन् ।

सम्मेलनको उद्घाट्न भव्य समारोहबीच हुँदैछ । सम्मेलनका लागि एक सय ६० भन्दा बढी मुलुकका नेता दुबईमा सहभागी हुने बताइएको छ । सम्मेलनको उद्घाटनका अवसरमा यूएईका राष्ट्रपति शेख मोहम्मद बिन जायद अल नाह्यानले डिसेम्बर १ र २ तारिखमा आयोजना गर्ने विश्व जलवायु कार्य शिखर सम्मेलनमा विश्वभरबाट सहभागी राज्य÷सरकार प्रमुखको सहभागिता रहनेछ ।

सम्मेलनले तापमान वृद्धिलाई १ दशमलव ५ डिग्री सेल्सियसमा सीमित गर्ने र सन् २०५० सम्ममा हरित ग्यास खुद शून्य उत्सर्जन हासिल गर्ने उपायमा सहमति गरेर जलवायु संकटलाई सम्बोधन गर्ने लक्ष्य छ । सम्मेलनमा विश्वभरका मुलुकका प्रतिनिधि, व्यापारीक नेता, युवा, जलवायु वैज्ञानिक, आदिवासी जनजाति, पत्रकार, विभिन्न विज्ञ, सरोकारवालासहित ७० हजारभन्दा बढीको उपस्थितिको अपेक्षा गरिएको छ ।

यस सम्मेलनले कार्बन उत्सर्जन घटाउने दायित्वबारे छलफल, जलवायु अनुकूलन र राष्ट्रिय अनुकूलन योजनाबारे छलफल, पेरिस सम्झौताको कार्यान्वयन अवस्थाबारे समीक्षा, जलवायुजन्य हानि र नोक्सानी साथै कोष कार्यान्वयन, जलवायु वित्तसम्बन्धी छलफल, प्रविधि विकास, विस्तार र कार्यान्वयनलगायत विषयमा छलफल अगाडि बढाउने योजना प्रस्तुत गरेको छ ।

यसैगरी महासन्धिअन्तर्गत रहेको क्षमता विकास, अल्पविकसित राष्ट्रहरूसँग सम्बन्धित विषय, जलवायु परिवर्तन र लैङ्गिक सम्बन्धमा, पेरिस सम्झौताको दफा ६ र कार्बन व्यापार, कार्यान्वयनका प्रावधानको प्रभाव, प्रशासनिक, वित्तीय र संस्थागत विषय, जलवायु परिवर्तन र पर्वतीय सवाललगायत विषयमा छलफल अगाडि बढाइने युएनएफसिसिसीको सचिवालयले जनाएको छ ।

प्रधानमन्त्री दाहाल दुबईमा

प्रधानमन्त्री पुष्पकमल दाहाल ‘प्रचण्ड’ कोप–२८मा भाग लिन नेपाली प्रतिनिधिमण्डलको नेतृत्व गर्दै संयुक्त अरब इमिरेट्सको दुबई पुगेका छन् । स्थानीय समयानुसार उनी गए राति करिब १ः३० बजे दुबईस्थित दुबई अन्तर्राष्ट्रिय विमानस्थलमा अवतरण गरेका हुन् ।

दुबई विमानस्थलमा प्रधानमन्त्री दाहाललाई यूएईका लागि नेपालका राजदूत तेजबहादुर क्षेत्री,  नेपालका लागि यूएईका राजदूत अब्दुल्ला एम साम्सीलगायत यूएईस्थित दूतावासका अधिकारीले स्वागत गरेका थिए । प्रधानमन्त्री दाहालले आज राजधानी आबुधाबीस्थित नेपाली दूतावासको अवलोकनका साथै नेपाली समुदायसँग छलफल गर्ने कार्यक्रम छ । साँझ नेपाल उद्योग वाणिज्य महासंघ दुबई चेम्बरद्वारा आयोजित कार्यक्रमलाई सम्बोधन गर्ने उनको सचिवालयले जनाएको छ ।

प्रधानमन्त्री दाहालले डिसेम्बर १ देखि २ सम्म आयोजना हुने ‘विश्व जलवायु कार्य शिखर सम्मेलन’को उच्चस्तरीय सत्रमा भाग लिने कार्यक्रम छ । उनले डिसेम्बर २ तारिखमा उच्चस्तरीय सत्रमा राष्ट्रिय वक्तव्य दिनेछन् ।

यस सम्मेलनमा नेपालले जलवायु वित्तदेखि हिमालका मुद्दासम्मका विषयलाई प्राथमिकताका साथ उठाउने तयारी गरेको छ । सम्मेलनमा नेपालले जलवायु अनुकूलनमा थप प्रतिबद्धता र कार्यान्वयन, जलवायु परिवर्तन न्यूनीकरण, जलवायु वित्त, हानि तथा नोक्सानी, पेरिस सम्झौताको विश्वव्यापी प्रगति समीक्षा, पर्वतीय राष्ट्रहरूका समस्याको पहिचान र सम्बोधनका विषयलाई महत्वका साथ उठाउने बताइएको छ ।

यसैगरी सम्मेलनमा लैंगिक, स्थानीय समुदाय, आदिवासी, युवाको चासो र सरोकार, प्रविधि हस्तान्तरण र क्षमता अभिवृद्धिलगायत विषयलाई समेत प्राथमिकताका साथ उठाउने मन्त्रालयले जनाएको छ । मन्त्रालयले सम्मेलनमा प्रस्तुत गर्नका लागि उक्त विषयलाई समेटेर ‘राष्ट्रिय स्थिति पत्र’ तयार गरेको छ ।

काका सामुदायिक सिकाइ केन्द्रको नयाँ भवन निर्माण

प्रेमचन्द्र झा/मध्यान्ह

सर्लाही : सर्लाहीको बलरा नगरपालिकास्थित काका सामुदायिक सिकाइ केन्द्रको नयाँ भवनको निर्माण सम्पन्न भएको छ । पूर्वप्रमुख जिल्ला अधिकारी डा. कमलेश्वर कुमार सिन्हा अध्यक्ष रहेको काका सामुदायिक सिकाइ केन्द्रको नयाँ भवन विभिन्न दाताकाे सहयोग तथा निजी लगानीमा निर्माण भएको हाे ।

देशमा विभिन्न कार्यालयमा छुट्याइएको बजेट दुरुपयोग हुने, ताेकिएको स्टिमेटअनुसारको काम नहुने अवस्थामा बिना बजेट फुटकर सहयाेगमा संस्थागत भवन तयार भएपछि स्थानीयहरु उत्साहित भएको स्थानीय समाजसेवी वीरेन्द्र झाले बताए । बलामा 'काका' भनेकै डा.कमलेश्वर कुमार सिन्हा हुन् । अर्थात काकाको पर्याय कमलेश्वर । उनले आफ्नै लगानी गरेर यो संस्थालाई देशकै विशिष्ट सिकाइ केन्द्र बनाएका छन् ।

रामसखि मोहितसिंह माध्यमिक विद्यालय, आधारभूत विद्यालय बलरा ६, आधारभुत विधालय बलरा ४, सीटीईभीटीद्वारा बलारा प्राविधिक शिक्षालय, धुलिखेल अस्पतालसहितका संस्थाको भवन निर्माण तथा सञ्चालनमा डा. सिन्हाको विशेष भूमिका रहेको  स्थानीय शिक्षक सञ्जय सुदामाले बताए ।

काका सामुदायिक सिकाइ केन्द्र बलराको नवनिर्मित भवनसँगै सभा हल रहेको छ भने पछाडि पार्टी प्यालेस बन्ने तरखरमा छ । सो क्षेत्रका संघीय सांसद डा. अमरेशकुमार सिंहले आफ्नो काका नाता पर्ने डा.सिन्हाको अगुवाइमा काका सामुदायिक सिकाइ केन्द्र बलराले गरेकाे प्रगति सराहनीय रहेकाे बताए ।

गोल्मा दरबारलाई पर्यटकीय गन्तव्यको रुपमा विकास गरिँदै

प्रेमचन्द्र झा/मध्यान्ह

रौतहट : चन्द्रपुर नगरपालिका वडा नम्बर १ स्थित ऐतिहासिक गोल्मा राजारानीको दरबार क्षेत्रलाई पर्यटकीय गन्तव्यको रुपमा विकास गरिने भएको छ ।

थाई सरकारको सहयोगमा दुई करोड रुपैयाँको लागतमा उक्त स्थानमा बुद्ध  भगवानको मुर्ति राख्न लागिएको समाजसेवी वीर बहादुर रखालले बताए ।  

ऐतिहासिक गोल्मा राजारानीको दरबार क्षेत्रमा मुर्ति स्थापना हुन लागेकोमा स्थानीय जनता निकै उत्साहित भएको समाजसेवी रखालले बताए । पाँच सय वर्ष अघिको शेनबंशीय राजा गोल्मा राजारानीको दरबार क्षेत्रमा रहेको टुँडिखेलमा थाई सरकारको सहयोगमा साँढे ९ फिटको बैरीबिनाश भगवान् बुद्धको मूर्ति स्थापना गरिने खबरले आफु निकै हर्षित भएको चन्द्रपुर नगरपालिकाका नगरप्रमुख संजय कुमार काप्लेले बताए ।

यस्तै यस क्षेत्रलाई ध्यान केन्द्रको रुपमा विकास गरिने भएको छ । पुरातात्विक महत्व  बोकेको यस क्षेत्रलाई धार्मिक पर्यटकीय गन्तव्यको रुपमा विकासका लागि स्थानीयको सहयोगमा गोल्माराजा बौद्ध बिहार जुटेको छ । यस क्षेत्रको विकासमा स्थानीयले श्रमदान गरी बाटो निर्माण गरिसकेका छन्  भने जंगलको संरक्षण गर्दै विदेशमा रहेका नेपालीहरुले कुटीको निर्माण गरिदिएका छन् । सो क्षेत्रमा बेल र पारिजातका फूलहरु समेत रहेका छन् । 

यही मंसिर १६  गते बैरीबिनाश भगवान् बुद्धको मूर्ति स्थापना हुने भिक्षु मेधंकर स्थबीरले बताए । उनले ऐतिहासिक, पुरातात्विक र किम्बदन्ती महत्व रहेको सो क्षेत्रको पहिचान गर्ने मात्र हैन पर्यटकीय धरोहरको रुपमा रहेको क्षेत्रको संरक्षणमा सबैको एकताको खाँचो रहेको बताए । ऐतिहासिक रहेको गोल्माराजाको दरबारको इँट्टा लगेर पौराईस्थित ब्रम्हस्थानमा रहेको इनारमा प्रयोग गरिएको छ भने २०११ सालतिर मानव बस्तिको विस्तारसँगै अलपत्र रहेको सो दरबारको इँट्टाको प्रयोग गरी स्थानीयले घर समेत निर्माण गरेको बताइएको छ । 

भग्नावशेष रहेको दरबारको जीर्णोद्धारमा स्थानीयले जोड दिएका छन् । तीनै तहको सरकारबाट ओझेलमा परेको सो क्षेत्रको संरक्षणमा भिक्षु मेधंकर स्थबीरले देखाएको चासोमा स्थानीयको सहयोग रहेको गोपाल घिमिरेले बताए । चन्द्रपुर नगरपालिका वडा नम्बर १ स्थित गैरीगाँउबाट आधा घण्टाको उकालोमा दरबारको टुँडिखेल पुगिन्छ भने टुँडिखेलबाट १५ मिनेट ओरालो र उकालो चढेपछि गोल्मा राजारानीको दरबार रहेको स्थानमा पुगिने स्थानीय समीरबाबु कार्कीले बताए ।

दरबार क्षेत्रमा रहेको टुँडिखेलमा गोल्मा राजाको सैनिकले परेड खेल्ने स्थानीय बृढापाकाहरु बताउँछन्  । चन्द्रपुर वडा नम्बर १ का पुर्व अध्यक्ष बिरु रखाल मगरले दरबारको जीर्णोद्धार गरेर संग्राहलयको रुपमा विकास गर्न सकिने बताए । उनका अनुसार दरबारबाट स्थानीयले पुरानो गोल्की पैसा, जाँतो, तरवार लगायतका सामान स्थानीयसँग अझै सुरक्षित रहेको छ । दरबार रहेको स्थानमा अझै त्यस बेलाको इँट्टा, काटिएका ढुंगा रहेको छ ।

शेनबंशीय राजा गोल्मा राजा रानीको दरबारको जीर्णोद्धार र टुँडिखेललाई समेत उपयोग गरेर पर्यटकीय क्षेत्र बनाउन सकिने नगरप्रमुख काफ्लेले बताए । प्रतिनिधि सभा सदस्य देवप्रसाद तिमल्सिनाले गोल्मराजाको दरवारको संरक्षणमा सबै जुटनु पर्ने बताए । दरबारको विषयमा पुरातत्व विभागलाई जानकारी भइसकेको बताउँदै उनले यसको संरक्षण र प्रवद्र्धनमा सबै पक्ष जुट्ने हो भने मधेश प्रदेशकै पर्यटकीय गन्तव्य बन्ने सांसद तिमिल्सिनाले  दावी गरे ।

गोल्मा दरबारलाई धार्मिक पर्यटकीय गन्तव्यको रुपमा विकास गरिँदै

प्रेमचन्द्र झा/मध्यान्ह

रौतहट : चन्द्रपुर नगरपालिका वडा नम्बर १ स्थित ऐतिहासिक गोल्मा राजारानीको दरबार क्षेत्रलाई धार्मिक पर्यटकीय गन्तव्यको रुपमा विकास गरिने भएको छ ।

थाई सरकारको सहयोगमा दुई करोड रुपैयाँको लागतमा उक्त स्थानमा बुद्ध  भगवानको मुर्ति राख्न लागिएको समाजसेवी वीर बहादुर रखालले बताए ।  

ऐतिहासिक गोल्मा राजारानीको दरबार क्षेत्रमा मुर्ति स्थापना हुन लागेकोमा स्थानीय जनता निकै उत्साहित भएको समाजसेवी रखालले बताए । पाँच सय वर्ष अघिको शेनबंशीय राजा गोल्मा राजारानीको दरबार क्षेत्रमा रहेको टुँडिखेलमा थाई सरकारको सहयोगमा साँढे ९ फिटको बैरीबिनाश भगवान् बुद्धको मूर्ति स्थापना गरिने खबरले आफु निकै हर्षित भएको चन्द्रपुर नगरपालिकाका नगरप्रमुख संजय कुमार काप्लेले बताए ।

यस्तै यस क्षेत्रलाई ध्यान केन्द्रको रुपमा विकास गरिने भएको छ । पुरातात्विक महत्व  बोकेको यस क्षेत्रलाई धार्मिक पर्यटकीय गन्तव्यको रुपमा विकासका लागि स्थानीयको सहयोगमा गोल्माराजा बौद्ध बिहार जुटेको छ । यस क्षेत्रको विकासमा स्थानीयले श्रमदान गरी बाटो निर्माण गरिसकेका छन्  भने जंगलको संरक्षण गर्दै विदेशमा रहेका नेपालीहरुले कुटीको निर्माण गरिदिएका छन् । सो क्षेत्रमा बेल र पारिजातका फूलहरु समेत रहेका छन् । 

यही मंसिर १६  गते बैरीबिनाश भगवान् बुद्धको मूर्ति स्थापना हुने भिक्षु मेधंकर स्थबीरले बताए । उनले ऐतिहासिक, पुरातात्विक र किम्बदन्ती महत्व रहेको सो क्षेत्रको पहिचान गर्ने मात्र हैन पर्यटकीय धरोहरको रुपमा रहेको क्षेत्रको संरक्षणमा सबैको एकताको खाँचो रहेको बताए । ऐतिहासिक रहेको गोल्माराजाको दरबारको इँट्टा लगेर पौराईस्थित ब्रम्हस्थानमा रहेको इनारमा प्रयोग गरिएको छ भने २०११ सालतिर मानव बस्तिको विस्तारसँगै अलपत्र रहेको सो दरबारको इँट्टाको प्रयोग गरी स्थानीयले घर समेत निर्माण गरेको बताइएको छ । 

भग्नावशेष रहेको दरबारको जीर्णोद्धारमा स्थानीयले जोड दिएका छन् । तीनै तहको सरकारबाट ओझेलमा परेको सो क्षेत्रको संरक्षणमा भिक्षु मेधंकर स्थबीरले देखाएको चासोमा स्थानीयको सहयोग रहेको गोपाल घिमिरेले बताए । चन्द्रपुर नगरपालिका वडा नम्बर १ स्थित गैरीगाँउबाट आधा घण्टाको उकालोमा दरबारको टुँडिखेल पुगिन्छ भने टुँडिखेलबाट १५ मिनेट ओरालो र उकालो चढेपछि गोल्मा राजारानीको दरबार रहेको स्थानमा पुगिने स्थानीय समीरबाबु कार्कीले बताए ।

दरबार क्षेत्रमा रहेको टुँडिखेलमा गोल्मा राजाको सैनिकले परेड खेल्ने स्थानीय बृढापाकाहरु बताउँछन्  । चन्द्रपुर वडा नम्बर १ का पुर्व अध्यक्ष बिरु रखाल मगरले दरबारको जीर्णोद्धार गरेर संग्राहलयको रुपमा विकास गर्न सकिने बताए । उनका अनुसार दरबारबाट स्थानीयले पुरानो गोल्की पैसा, जाँतो, तरवार लगायतका सामान स्थानीयसँग अझै सुरक्षित रहेको छ । दरबार रहेको स्थानमा अझै त्यस बेलाको इँट्टा, काटिएका ढुंगा रहेको छ ।

शेनबंशीय राजा गोल्मा राजा रानीको दरबारको जीर्णोद्धार र टुँडिखेललाई समेत उपयोग गरेर पर्यटकीय क्षेत्र बनाउन सकिने नगरप्रमुख काफ्लेले बताए । प्रतिनिधि सभा सदस्य देवप्रसाद तिमल्सिनाले गोल्मराजाको दरवारको संरक्षणमा सबै जुटनु पर्ने बताए । दरबारको विषयमा पुरातत्व विभागलाई जानकारी भइसकेको बताउँदै उनले यसको संरक्षण र प्रवद्र्धनमा सबै पक्ष जुट्ने हो भने मधेश प्रदेशकै पर्यटकीय गन्तव्य बन्ने सांसद तिमिल्सिनाले  दावी गरे ।

समलिंगी विवाहले पायो मान्यता

काठमाडौं : लमजुङमा समलिंगी विवाह दर्ता भएको छ । लमजुङ दोर्दी गाउँपालिका २ का रामबहादुर गुरूङले नवलपरासी कावासेती नगरपालिका ८ का सुरेन्द्र पाण्डेसँग गरेको विवाह कानुनी रूपमा दर्ता भएको हो । 

दोर्दी गाउँपालिकामा उक्त विवाह दर्ता भएको हो । यो नेपालमा समलिंगीको विवाह दर्ता भएको पहिलो पटक हो । यो सँगै समलिंगीको विवाहले मान्यता पाएको छ । 

गाउँपालिका अध्यक्ष युवराज अधिकारीका अनुसार यसअघि समलिंगी विवाह दर्ता गर्न मिल्ने वा नमिल्ने विषयमा राय माग गर्दै पिंकी गुरूङ भन्ने संजिव गुरूङले सर्वोच्च अदालतमा रिट दायर गरेका थिए । उक्त रिटमा सर्वोच्चले समलिंगी विवाह दर्ता गरी अस्थायी अभिलेख राख्न अन्तरिम आदेश जारी गरेको थियो । 

राष्ट्रिय पञ्जिकरण विभागले पनि गाउँपालिकालाई उक्त आदेश अनुसार विवाह दर्ता गर्न पत्र लेखेको थियो ।

सर्वोच्च अदालतले समलिंगी विवाह दर्ताको व्यवस्था गर्न सरकारलाई अन्तरिम आदेश दिएसँगै परम्परागत रूपमा मान्यता पाउँदै आएको महिला र पुरुषबीचको विवाह मात्रै दर्ता हुने कानुनी व्यवस्थामा परिवर्तन आएको हो ।

यसअघि विवाह दर्ता गर्ने सरकारी निकायले कानुन अभाव देखाउँदै समलिंगीहरूको विवाह दर्ता अस्वीकार गर्दै आएका थिए । त्यस्तो अवस्थामा समलिंगी जोडीले आर्थिक, सामाजिक, सांस्कृतिक, स्वास्थ्य सेवा, सम्पत्तिलगायतका व्यवहार र कारोबारमा अड्चन खेप्दै आएका थिए । 

सर्वोच्च अदालतले संविधानले नागरिकलाई लैंगिक पहिचानसहितको नागरिकता प्राप्त गर्ने अधिकार सुनिश्चित गरेको र विवाह गर्ने स्वतन्त्रता हुने कानुनी आधार उल्लेख गरेको छ । 

‘संविधानको धारा १२ मा लैंगिक पहिचानसहितको नेपालको नागरिकताको प्रमाणपत्र पाउन सक्ने व्यवस्था रहेको, मुलुकी देवानी संहिता २०७४ को दफा ६९ (१) मा प्रत्येक नागरिकलाई विवाह गर्ने स्वतन्त्रता हुने गरी व्यवस्था भएको तथा नेपालको संविधानको धारा १८ (१) मा सबै नागरिक कानुनको दृष्टिमा समान हुने व्यवस्था भइरहेको’ सर्वोच्चले भनेको छ । 

सर्वोच्चको आदेशपछि समलिंगी विवाहले मान्यता पाएको हो । तर, अब कानुन बनाएर नै सरकारले समलिंगी विवाह दर्तालाई व्यवस्थित गर्नुपर्छ । 

नेपाली र अंग्रेजीमा स्नातकोत्तर गर्न सहज

अस्मिता बम/मध्यान्ह

काठमाडौं : जुनसुकै विषयमा स्नातक गरे पनि नेपाली र अंग्रेजीमा स्नातकोत्तर गर्न पाइने भएको छ । त्रिभुवन विश्वविद्यालयले अब जुनसुकै विषयमा स्नातक गरेका विद्यार्थीलाई पनि स्नातकोत्तरमा अंग्रेजी र नेपाली विषय पढ्न दिने भएको हो ।

त्रिभुवन विश्वविद्यालयका अधिकारीहरुका अनुसार जुनसुकै विषयमा स्नातक गरे पनि नेपाली र अंग्रेजीमा स्नातकोत्तर गर्न पाउने गरी सहजिकरण गरिएको हो । नेपाली विषय स्थायी समिति, विद्यापरिषद् स्थायी समिति तथा प्राज्ञिक परिषद् स्थायी समितिको बैठकले जुनसुकै विषयबाट स्नातक तह उत्तीर्ण गरेकाले स्नातकोत्तर तहमा नेपाली विषय पढ्न दिने निर्णय गरेको हो । 

यस्तै, अंग्रेजी विषय स्थायी समिति, विद्यापरिषद् स्थायी समिति तथा प्राज्ञिक परिषद् स्थायी समितिको बैठकले जुनसुकै विषयबाट स्नातक तह उत्तीर्ण गरेकाले स्नातकोत्तर तहमा अंग्रेजी विषय पढ्न दिने निर्णय गरेको हो । 

बुधबार विभागीय प्रमुख तथा प्रा.डा. खगेन्द्रप्रसाद लुईटेलले सूचना जारी गर्दै त्रिभुवन विश्वविद्यालयबाट कुनै पनि विषयमा स्नातक तह उत्तीर्ण भएको वा त्रिविबाट मान्यता प्राप्त विश्वविद्यालयबाट स्नातक तह उत्तीर्ण भएको र त्रिविबाट स्नातक तहको समकक्षता भएको व्यक्तिले नेपाली र अंग्रेजी विषयमा विषय स्नातकोत्तर तहको प्रवेश योग्य हुने जानकारी दिएका छन् । 

स्वास्थ्य चौकीलाई औषधि हस्तान्तरण

बिन्द्र राई/मध्यान्ह  

उदयपुर : उदयपुरको त्रियुगा नगरपालिका–५ देउरीका वडाअध्यक्ष केदार थापा(उद्दव)ले स्वास्थ्य चौकी देउरीलाई औषधि हस्तान्तरण गरको छन् । उनले विभिन्न किसिमका मानसिक रोगका बिरामीहरुका लागि औषधि हस्तान्तरण गरेका हुन् । 

वडामा  छारे रोग, डिप्रेसन, साइकेट्रिस्ट लगायतका ५० हजार मुल्य बराबरको १२ किसिमको औषधि बिरामीहरुका उपचारका लागि हस्तान्तरण गरिएको वडाअध्यक्ष थापाले बताए ।

स्वास्थ्य चौकी देउरीमा वडाभित्रका विभिन्न मानसिक रोगका उपचारका बिरामीहरु १२ महिला र ५ पुरुष गरी १७ र अन्य वडाबाट ७ महिला र ५ पुरुष गरी १२ जना रहेको स्वास्थ्य चौकीका अहेब फिरोज अलि राइनले जानकारी दिए ।

रौतहटमा एकै दिन दुई पालिकामा प्रशासकीय अधिकृत हाजिर

कृष्ण तिवारी/मध्यान्ह

रौतहट : रौतहटको दुई पालिकाका कार्यालय प्रमुख एवम् प्रमुख प्रशासकीय अधिकृत फेरिएका छन् । देवाही गोनाही नगरपालिका र यमुनामाई गाउँपालिकाका प्रमुख प्रशासकीय अधिकृत फेरिएका हुन् । 

देवाही गोनाही नगरपालिकाको कार्यालय प्रमुखको जिम्मेवारी प्रमुख प्रशासकीय अधिकृत सन्देश यादवले पाएका छन् भने यमुनामाई गाउँपालिकाको कार्यालय प्रमुखको जिम्मेवारी निमित्त प्रमुख प्रशासकीय अधिकृत रामश्रेष्ठ राय यादवले पाएका छन् ।  

देवाही गोनाहीका प्रशासकीय अधिकृत यादव र यमुनामाईका प्रशासकीय अधिकृत यादव दुबै जनाले बुधबार कार्यालयमा हाजिर भइ कार्यभार सम्हालेका छन् । 

यमुनामाई गाउँपालिकाका प्रशासकीय अधिकृत रामश्रेष्ठ यादवले दोस्रो पटक जिम्मेवारी सम्हालेका हुन् भने देवाही गोनाहीका प्रमुख सन्देश यादवले भने पहिलो पटक जिम्मेवारी पाएका छन् । 

दोस्रो पटक कार्यभार सम्हाल्दै यमुनामाईका निमित्त प्रशासकीय अधिकृत यादवले आफुले पालिकालाई जिल्लाकै एक नमुना पालिका बनाउने बताए । 

पालिकालाई नमुना पालिका बनाउने काममा आफूले नवनिर्वाचित जनप्रतिनिधिलाई नियम र कानूनले दिएसम्म अधिकतम सहयोग गर्ने उनले प्रतिवद्धता जनाए । कार्यालयमा हाजिर भएका दुबै जना अधिकृतलाई सम्बन्धित पालिकाका मेयरसहित जनप्रतिनिधिहरुले स्वागत गरेका थिए ।

दिउँसै टर्च बालेर स्वास्थ्यमन्त्रीको खोजी

पिन्टु यादव/मध्यान्ह 

सप्तरी : रामराजाप्रसाद सिंह स्वास्थ्य विज्ञान प्रतिष्ठानको अलपत्र निर्माण कार्य अविलम्ब शुरु गर्नुपर्ने  मागसहित आन्दोलनमा उत्रिएका सप्तरी युथ नेपालले चौथो दिन बुधबार दिउँसै टर्च बालेर स्वास्थ्य मन्त्रीको खोजी गरेको छ । उक्त प्रतिष्ठान निर्माण कार्य अलपत्र परेपछि गत असोज २६ गतेदेखि स्थानीयहरु रिले अनशनमा बसिरहेको भएपनि सरकारको ध्यानाकर्षण नहुँदा युवाहरूले टर्च बालेर स्वास्थ्य तथा जनसंख्यामन्त्री  मोहनबहादुर बस्नेतको खोजी गरेका हुन् ।  

सप्तरी युथ नेपालले मंसिर १० गतेदेखि प्रतिष्ठान निर्माण कार्य सुचारु गर्न थालेको दबावमूलक  संघर्षलाई निरन्तरता दिँदै बुधबार मोबाइलको फ्लास लाइट बाल्दै ¥यालीलाई दशनचौकमा लगेर  कोणसभामा परिणत गरेको छ ।

उनीहरुको निर्धारित संघर्षका कार्यक्रम बमोजिम आइतबार प्रमुख जिल्ला अधिकारीमार्फत प्रधानमन्त्रीलाई अविलम्ब प्रतिष्ठान निर्माणकार्य शुरु गर्न ध्यानाकर्षण गराइएको थियो ।

सोही अनुसार दोस्रो दिन सोमबार राजविराजमा र्‍याली प्रदर्शन गरिएको थियो । त्यस्तै मंगलबार राजविराजमा सिट्ठी जुलुस प्रदर्शन गरेका थिए । यस्तै बुधबार टर्च बालेर स्वास्थ्यमन्त्रीको खोजी गरिएको हो । 

तत्कालीन नेकपा(एमाले)अध्यक्ष केपी शर्मा ओली नेतृत्वको सरकारले ‘एक प्रदेश–एक स्वास्थ्य विज्ञान प्रतिष्ठान’निर्माण गर्ने नीति अन्तर्गत निर्माण शुरु गरिएको रामराजाप्रसाद सिंह स्वास्थ्य विज्ञान प्रतिष्ठानको कार्य पटक–पटक अन्यौलमा पर्ने गरेको छ । पूर्वाधार विकासका लागि तयार पारिएको जग्गामा विवाद भएपछि निर्माण कार्य अन्यौलमा परेको थियो । २०७५ पुस २३ गतेको मन्त्रिपरिषदको बैठकले सप्तरीमा प्रतिष्ठान निर्माण गर्ने निर्णयको १० महिनापछि जग्गा विवाद अन्त्य भएको थियो । जग्गा विवाद अन्त्यपछि राजविराज नगरपालिका–१० विरौलस्थित ६२ बिघा  जग्गा प्रतिष्ठानको स्वामित्वमा आएको थियो । अहिलेको सरकारले प्रतिष्ठान निर्माणका लागि आवश्यक बजेट नदिँदा फेरि निर्माण कार्य अलपत्र परेको स्थानीयहरु बताउँछन् ।

जग्गाको विवाद टुंगो लागेपछि यसै स्थानमा तत्कालीन प्रधानमन्त्री ओलीले २०७८ असार २२ गते भर्चुअल माध्यमले प्रतिष्ठानको शिलान्यास गरेका थिए । शिलान्यास पश्चात् डिपिआरको काम सम्पन्न भएर तारबारले उक्त जग्गा घेरिएको थियो । उक्त प्रतिष्ठानको लागि आर्थिक वर्ष २०७५/०७६ देखि हालसम्म १६ करोड १० लाख रुपैयाँ बजेट विनियोजन भएको छ । जसमध्ये ३ करोड १६ लाख ४७ हजार खर्च भएको छ भने १२ करोड ८३ लाख ५२ हजार रुपैयाँ खर्च हुन नसकेर फिर्ता भएको छ । कुल ११ अर्ब ८८ करोड रूपैयाँको लागतमा निर्माण हुने प्रतिष्ठानको काम ५ वर्षभित्र सम्पन्न गर्ने भनिएको थियो । तर हालसम्म उक्त प्रतिष्ठानको काम तीव्र्र गतिमा अगाडि नबढाउँदा उक्त जग्गा गौचरनमा परिणत भएको छ ।