२०८१ चैत २९ गते शुक्रवार / Apr 11 , 2025 , Friday
२०८१ चैत २९ गते शुक्रवार
Ads

जुम्ला प्रहरी कार्यालयमा सवारी साधन पार्किङको व्यवस्था

draupadi film
दिलमाया शाही
२०८१ मंसिर २१ गते २०:२३
जुम्ला प्रहरी कार्यालयमा सवारी साधन पार्किङको व्यवस्था

जुम्ला : जिल्ला प्रहरी कार्यालय जुम्लाले सेवाग्राहीका सवारी साधन पार्किङको व्यवस्था गरेका छ । प्रहरीले आफ्नो कार्यालयमा सेवा लिन आउने सेवाग्रहीका सवारी साधन पार्किङको लागि यस्तो व्यवस्था गरिएको हो । 

जुम्लाका साघुँरो सडकमा सवारी साधन पार्किङ गर्दा समस्या हुने भएकाले सिमित स्रोत साधनका बीचमा रहेर दुई पाङ्ग्रे सवारी साधनको लागि पार्किङको व्यवस्था गरिएको जुम्लाका प्रहरी नायब उपरीक्षक छेदीलाल कामतीले बताए । उनका अनुसार यसले गर्दा प्रहरी कार्यालयमा सेवा लिन आएकाहरुका सवारी साधन चोरी हुने डर हुँदैन । प्रहरीले आफ्नो कार्यालयबाट दिइने सेवालाई प्रभावकारी बनाउनका लागि पहिलो पटक पार्किङको व्यवस्था गरेको छ । 

त्यस्तै जिल्ला प्रहरी कार्यालय जुम्लामा सेवा लिन आउने पीडित तथा नागरिकहरुका लागि सवारी पार्किङ कार्यक्रमको उद्घाटन जुम्ला जिल्लाका प्रमुख जिल्ला अधिकारी राम बहादुर शाहीले गरेको थिए । प्रजिअ शाहीले जिल्ला प्रहरी कार्यालय जुम्लामा सेवा लिन आउने पीडित एवं नागरिकहरुका लागि सवारी साधन पार्किङ निर्माण  गर्नु राम्रो कार्य भएको बताए । उनका अनुसार प्रहरीको कार्यालयमा मात्रै होइन्, सवारी साधान व्यवस्थापनको लागि जुम्लाका सेवा दिने सबै कार्यालयले गर्न जरुरी छ । 

त्यस्तै चन्दननाथ नगरपालिका ६ का वडाध्यक्ष  रबि थापाले  प्रहरी गरेको सकारात्मक कुरामा सहयोग गर्ने बताए । उनले केही समयपछि नगरपालिकाले सीसीटीभीको लागि लागि टेण्डर गर्ने बताए । उनले जुम्लाको शान्ति सुरक्षाको लागि बसेको प्रहरीलाई  सबैको तर्फबाट सहयोग गर्न आवश्यक रहेको बताए ।

ADV

सम्बन्धित खबर

Advertise