काठमाडौं : मंसिर महिना लागेसँगै विवाहका लगनहरु पनि जुर्दै छन् । यही विवाहका लगनहरु तथा लगनका महिनाहरुलाई लक्षित गरी विवाहका भाकाहरु बजारमा आएका छन् । कोरोना महामारीलाई मध्यनजर राख्दै भर्खरै मात्र नेपलीहरुले आफ्नो महानपर्व बडा दशैं र तिहार मनाएका छन् । अब फेरी यो विवाह तथा लगनहरु पनि कोरोना कहरमै सम्पन्न गर्न बाध्य छन् ।
यही कोरोना कहरमै नयाँ बाजागीत ‘बाजातालमा’ बजारमा आएको छ । गीतमा गायक भूवन सापकोटा र गायिका जुना शिरिश मगरको स्वार रहेको छ । जसमा शब्द तथा संगीत भूवन सापकोटाको नै रहेको छ, भने बिनोद बाजुरालीको संगीत संयोजन रहेको छ । गीतको म्युजिक भिडियोतर्फ सिर्जन बरालको निर्देशनमा निर्माण तय भएको छ ।
जसमा पछिल्लो समयका निकै फुर्तिला मोडल निर्मल क्षेत्री र अर्की महिला मोडल पुजन घिमिरेको नृत्य तथा रोमान्स् देख्न सकिन्छ । म्युजिक भिडियोलाई सिर्जन बरालले नै छांयाकन गरेका हुन् भने अमृत चापागाईले सम्पादन गरेका हुन् । ‘बाजातालमा’ गीतको म्युजिक भिडियोलाई गायकद्वय भूवन सापकोटाको युट्युव च्यानलबाट सार्वजनिक गरिएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies