काठमाडौं : नेपाली कांग्रेसका सभापति शेरबहादुर देउवाले जलवायु परिवर्तनका असर न्यूनीकरणका लागि सबै राजनीतिक दलहरुको साझा धारणा बनाएर अघि बढ्ने कुराको नेतृत्व गर्न आफू तयार रहेको बताएका छन् ।
आइतबार पार्टी केन्द्रीय कार्यालय सानेपामा आयोजित वातावरण तथा जलवायु परिवर्तन सरोकार संवाद कार्यक्रमलाई सम्बोधन गर्दै उनले यस्तो बताएका हुन् । उनले कार्बन उत्सर्जनमा नगण्य योगदान हुँदाहुँदै पनि अत्याधिक असर भोगिरहेका हिमाली क्षेत्रका यथार्थ स्पष्ट रहेको बताए ।
उनले निरन्तर पग्लिरहेको हिमनदी, ग्लेसियरहरुहरुले हिमाली क्षेत्रको समुदायलाई मात्र नभइ तल्लो तटीय समुदाय पनि प्रभावित बनेको बताए । जलवायु संकट समाधानमा अगाडिको बाटो चुनौतीपूर्ण रहेको बताउँदै समाधानको सम्भावनाले भरिएको उनले बताए ।
उनले नेपाल पीडितमात्रै नभइ समाधान दिनसक्ने देशको छवि निर्माण गरिहेको बताए । जलवायु परिवर्तनका असर न्यूनीकरणमा नेपालले गरिरहेका प्रयास ब्राजिलमा हुने कोप ३० मा प्रस्तुत गर्नुपर्ने बताए ।
वातावरण तथा जलवायु परिवर्तन सरोकार सम्बन्धमा आएको चुनौतीपूर्ण समाधान गर्न ठूलो दलको हैसियतले नोपली कांग्रेस सबै दलको साझा धारणा बनाउने प्रयासका लागि नेतृत्व लिन तयार रहेको बताए ।
सभापति देउवाले राजनीतिक दलहरुलाई एउटै साझा मञ्चमा ल्याइ संवाद, सहमति, समन्वय र सहकार्यको माध्यमबाट अघि बढ्ने वातावरण तयार पार्न आफूहरु प्रतिबद्ध रहेको बताए । उनले वातावरण तथा जलवायु परिवर्तनमा पार्टीका सरोकारवाला सबैलाई अझ बढी क्रियाशिल हुन आह्वान गरे ।
.jpg)
