कपिलवस्तुः दशैंको टीका सकेर अन्नबाली भित्र्याउने तयारीमा रहेका कपिलवस्तुको विजयनगर गाउँपालिकाका कृषकलाई वर्षाले समस्यामा पारेको छ । टिकाको भोलीपल्टबाट लगातार दुई दिनसम्म परेको पानीले धानबालीमा क्षति पुर्याएपछि उनीहरु चिन्तित भएका छन् ।
बालीमा ठुलो क्षति नपुगेपनि वर्षासँगैको हावाले धान ढलेको र पाकेको धान झारेको विजयनगर गाउँपालिका वडा नम्बर–७ मधनगरका किसान अनिल कुमार चौधरी (बडकन) बताउँछन् ।
वर्षाले विजयनगरका १० वडाका कृषकका धानमा क्षति पुगेको छ । विशेषगरी अग्लो र पाकेको धानमा बढी क्षति भएकाे छ ।
