.jpg)
काठमाडौँ : जोखिमयुक्त सडक खण्डमा सवारी सञ्चालन नियन्त्रण गरी यात्रु तथा सवारीसाधनको सुरक्षा सुनिश्चित गर्न राष्ट्रिय विपद् जोखिम न्यूनीकरण तथा व्यवस्थापन प्राधिकरणले देशभरका जिल्ला प्रशासन कार्यालयलाई निर्देशन दिएको छ ।
प्राधिकरणले जोखिम देखिएका स्थानमा सवारी आवागमन बन्द गर्ने निर्णयको उल्लंघन गर्ने चालक तथा सवारी धनीमाथि कारबाही गर्न पनि निर्देशन दिएको जनाएको छ ।
हालै काभ्रेपलाञ्चोकस्थित रोशी खोलामा पानीको सतह बढेपछि उत्पन्न जोखिमका बीच चेतावनी दिइँदा पनि पाँच वटा सवारी अगाडि बढ्दा यात्रुहरू बाढीमा फस्ने अवस्था सिर्जना भएको थियो । उक्त घटनामा फसेका ८९ जना यात्रुको सुरक्षित उद्धार गरिएको थियो ।
यस्ता घटनाले यात्रु सुरक्षामा गम्भीर चुनौती देखिएको भन्दै प्राधिकरणले स्थानीय अवस्था र सडक जोखिमको मूल्याङ्कन गरी आवश्यक परे सवारी आवागमन बन्द गर्न सम्बन्धित निकायलाई आग्रह गरेको हो ।
साथै, जल तथा मौसम विज्ञान विभागबाट जारी हुने मौसम पूर्वानुमान तथा त्यसका आधारमा दिइने पूर्वसूचना र पूर्वचेतावनीको पालना गर्न प्राधिकरणले सबै सरोकारवालालाई अनुरोध गरेको छ ।
.jpg)
.jpg)
