काठमाडौँ : सर्वोच्च अदालतको प्रधानन्यायाधीशमा न्यायाधीश डा. मनोज शर्मा सिफारिस भएका छन् । संवैधानिक परिषद्को बिहीबारको बैठकले प्रधानन्यायाधीशमा डा. शर्मालाई सिफारिस गरेको हो ।
रोलक्रमको चौथो क्रममा रहेका उनी प्रधानन्यायाधीशमा सिफारिस भएका हुन् ।
६ वैशाख २०७६ मा सर्वोच्च अदालतको न्यायाधीशमा नियुक्त शर्मा संसदीय सुनुवाइबाट अनुमोदन भएमा पुरै कार्यकाल अर्थात् ६ वर्ष प्रधानन्यायाधीश रहनेछन् ।
कामु प्रधानन्यायाधीश सपना प्रधान मल्लसहित वरिष्ठतम् न्यायाधीश कुमार रेग्मी र हरि फुयाललाई छाडेर चौथो वरियताक्रममा रहेका शर्मालाई संवैधानिक परिषद्ले प्रधानन्यायाधीशमा प्रस्ताव गरेको हो ।
तत्कालीन प्रधानन्यायाधीश प्रकाशमान सिंह राउत अवकाश भएपछि सर्वोच्च अदालत कायममुकायको भरमा चलिरहेको थियो । वरिष्ठ न्यायाधीश सपना प्रधान मल्लले कामुको रुपमा न्यायलयको नेतृत्व गरिरहेकी थिइन् ।
संसदीय सुनुवाइ समितिबाट अनुमोदन भएमा शर्मा नेपालको ३३औं प्रधानन्यायाधीश बन्नेछन् ।
.jpg)
.jpg)
.jpg)
