रुकुम पश्चिम : रुकुम पश्चिम बाँफिकोट गाउँपालिकामा सार्वजनिक सुनुवाइ कार्यक्रम सम्पन्न भएको छ । गाउँपालिकाको आयोजनामा शहीद स्मृति भवन बाफिकोटमा कार्यक्रम सम्पन्न गरिएको हो ।
सार्वजनिक सुनुवाइमा स्थानीयवासीले खानेपानी, स्वास्थ्य, शिक्षा लगायत विभिन्न विषयमा जिज्ञासा तथा प्रश्न राखेका थिए ।
उठाइएका प्रश्नहरूको जवाफ गाउँपालिका अध्यक्ष जनककुमार बाठा, उपाध्यक्ष तारा बुढा केसी, प्रमुख प्रशासकीय अधिकृत विकास विक्रम शाह, शाखा प्रमुख तथा वडा अध्यक्षहरूले दिएका थिए ।
गाउँपालिकाले हालसम्म गरेका काम, योजना तथा सेवा प्रवाहबारे नागरिकलाई जानकारी गराउने उद्देश्यले सार्वजनिक सुनुवाइ आयोजना गरिएको प्रमुख प्रशासकीय अधिकृत शाहले बताए ।
कार्यक्रमको सहजीकरण नेपाल पत्रकार महासंघ रुकुम पश्चिमका सहसचिव प्रचण्ड खत्री तथा अध्यक्ष गोपाल प्रसाद रेग्मीले गरेका थिए ।
सार्वजनिक सुनुवाइमार्फत स्थानीय सरकार र नागरिकबीच प्रत्यक्ष संवाद तथा जवाफदेहिताको अभ्यासलाई थप सुदृढ बनाउने अपेक्षा गरिएको छ ।
.jpg)
.jpg)
