नुवाकोट : विदुर नगरपालिका-१३ वडा कार्यालयले आजदेखि आफ्नो सेवा नवनिर्मित भवनबाट सञ्चालनमा ल्याएको छ ।
यसअघि तल्लो देउडीबाट सञ्चालन हुँदै आएको वडा कार्यालयको सेवा सोमबारदेखि माथिल्लो देउडीस्थित साविक कल्याणपुर गाविस कार्यालय रहेको जग्गामा निर्माण गरिएको नयाँ भवनबाट सुरु गरिएको वडा अध्यक्ष भरतबहादुर तामाङले जानकारी दिए ।
नेपाल सरकारको करिब १ करोड १३ लाख रुपैयाँको लागतमा निर्माण गरिएको उक्त भवनबाट वडा कार्यालयको सम्पूर्ण प्रशासनिक सेवा प्रदान गर्न थालिएको हो । नयाँ भवनबाट सेवाको औपचारिक शुभारम्भ बिदुर नगरपालिका–८ निवासी मिरा अधिकारीलाई घरबाटो प्रमाणित सिफारिस प्रदान गरेर गरिएको थियो ।
नयाँ भवन सञ्चालनमा आएसँगै वडा कार्यालयका सेवाग्राहीले थप सहज, व्यवस्थित र गुणस्तरीय सेवा प्राप्त गर्ने अपेक्षा गरिएको छ ।
.jpg)
.jpg)
