वीरगञ्ज : वीरगञ्ज महानगरपालिका वडा नं. १९ विन्दवासिनीमा विराट कुस्ती प्रतियोगिता आयोजना गरिएको छ । वीरगञ्ज महानगरपालिका वडा नं. १९ विन्दवासनी निवासी विरबहादुर यादवले दिपावली तथा छठ पर्वको उपलक्ष्यमा आयोजना गरेको विराट कुस्ती प्रतियोगिताको महानगरका उपप्रमुख इम्तियाज आलमले उद्घाटन गरेका छन् ।
उद्घाटन समारोहमा आफ्नो मन्तव्य राख्दै प्रमुख अतिथि महानगरका उपप्रमुख आलमले कुस्ती प्रतियोगिता एउटा खेलमात्र नभइ शरीरिक ब्यायाम पनि भएको बताउँदै प्रतियोगिताले मानव शरीरलाई चुस्त, दुरुस्त बनाउनुका साथै मानिसलाई फुर्तिलो र चनाखो बनाउने धारणा राखे ।
वडा १९ का वडाध्यक्ष मुकेश चौरसियाको विशिष्ट आतिथ्यतामा भएको उक्त उद्घाटन कार्यक्रममा नेपाली कांग्रेस पर्सा क्षेत्र नं १ का कार्यवाहक सभापति अनिल सिंह, ओम प्रकाश सरार्फ धर्मराज यादवलगायतको सहभागिता रहेको थियो ।
