युवाहरु नै परिवर्तनका सम्वाहक हुन् भन्ने एउटा उदाहरण बनेका छन् भिजुअल आर्टिष्ट अच्युत बजगाईं । सन् १९९५ मा काभ्रेको नयाँ गाउँ देउपुरमा बुवा शिवप्रसाद बजगाईं र माता तुलसा बजगाईंको कोखबाट जन्मिएका बजगाईंले गुरुबाट मात्र होइन आफ्नो परिवारबाट पनि ज्ञान आर्जन गर्नुपर्छ भन्ने मान्यता राख्छन् । चलचित्र इतिहासमा भिजुअल इफेक्टको कलामार्पmत आफने नाम चिनाउन उनी ंसर्घषरत छन् । भिजुअल इफेक्टमार्फत चलचित्रको गुणस्तरमा योगदान दिँदै चलचित्र, चलचित्र प्राविधिक, कलाकारको न्याय, समानता र परिवर्तनका लागि विभिन्न संघ–संस्थामा रही काम गर्दै आएका छन् । उनका धेरै चलचित्रहरु नेपाली दर्शकमाझ चर्चामा छन् । बजगाईं चलचित्रमा भिजुअल इफेक्टको विकास, संरक्षण एवं सर्जकको मर्यादा र अनुशासनलाई सदैव उच्च स्थानमा राखेर परिवर्तन र समृद्धिका लागि निष्ठापूर्ण लागेका शालिन युवा हन् बजगाईं । उनी गा्रफिक डिजाइनिङ एसोसियसन नेपालको अध्यक्ष लगायत विभिन्न संघ संस्थाको जिम्मेवारीमा पनि छन् । उनले राष्ट्रियस्तरमा थुप्रै सम्मान, पुरस्कार प्राप्त गरेका छन् । उनै युवासँग मध्यान्ह दैनिकले गरेको कुराकानीको संक्षिप्त अंशः
भिजुअल इफेक्टको कार्य कहिलेदेखि शुरु गर्नुभयो ?
मैले वि.सं. २०११ देखि शुरु गरेको हँु । स्कुले जीवनदेखि नै चलचित्र एकदमै राम्रो लाग्थ्यो । त्यो निरन्तर रह्यो ।
तपाईंले भिजुअल इफेक्ट आर्टिस्ट बन्छु भन्ने प्रेरणा कहाँबाट पाउनुभयो ?
चलचित्र भनेपछि मरिहत्ते गर्ने मलाई फिल्म हेर्न पाएँ भने अरू केही चाहिन्नथ्यो । मलाई पर्दामा हिरो बन्ने रहर थिएन, प्राविधिक भएर काम गर्ने त सोचेको पनि थिइनँ । म फिल्म हेर्दा रमाउँथे । मलाई चलचित्रमा एकदमै इन्ट्रेस्ट थियो । म जन्मिएको ठाउँ काठमाडौंदेखि धेरै नजिकको जिल्ला भएर होला मलाई नजिकबाट नियाल्ने मैका पनि पाएँ । म अन्य देशको सिनेमा पनि हेर्ने गर्थें जहाँ भिजुअल इफेक्टका अधिक प्रयोग भएको पाएँ । जतिबेला नेपाली चलचित्रमा भिजुअल इफेक्टको त्यति प्रयोग पाउँदैनथ्यो । मेरो आगमनपछि अलि राम्रो भएको छ ।
कति वटा चलचित्रमा काम गर्नुभयो ?
आफनै इच्छा अनुरुप चलचित्र क्षेत्रमा पाइला टेकेँ । द लास्ट किसबाट भिजुअल इफेक्टको यात्रा थालनी गरेँ । हालसम्म २ दर्जन भन्दा बढी चलचित्र, डकुमेन्ट्री, एड, म्युजिक भिडियो, टिभिसि लगायतमा काम गरिसकेको छु । रोमियो, मेला, कायरा, पूनर्जन्म, वीरङ्गना, होलिडे, उल्झन, भिलेन, पटुकी, आरोप, छिरिङ्ग, प्रेमलिला, ए मेरो हजुर ३, एक्लव्य, लभ डायरी, माया के होला, साम्राज्य, तलास, सिमाना, काडेतार आदीमा भिजुअल इफेक्ट भएर काम गरिसकेको छु । अहिले आइएनजिओको डकुमेन्ट्री र कोइराला फउन्डेसनको बिपिको विद्धोह नामक डकुमेन्ट्रीमा व्यस्त छु ।
अर्वाड पनि पाउनु भएको छ ?
पाएको छु धेरैपटक । आफने कलालाई न्याय गर्नु मेरो दायित्व हो । त्यही दायित्वलाई कुशलतापूर्वक निर्वाहा गर्दा प्राप्त हुने सम्मान र अवार्डलाई म र मेरो काम प्रतिको माया र सद्भावको रुपमा स्वीकार्छु । मेरो एउटै मान्यता छ हामी जुन काम गर्ने प्रण गर्दछौं । त्यसैले सफलता दिलाएरै छोड्छ । त्यसको प्रभाव चाहे आज होस् या भोलि जिवन्त रहिरहन्छ ।
भिजुअल इफेक्ट भित्रको सन्तुष्टी के हो ?
मैले आत्मसन्तुष्टि हो भनेर बुझ्छु । तर यस विषयमा म भाग्यमानी नै छु । सादय अर्थ र प्रतिष्ठा दुबैबाट म सुन्तुष्ट छु ।
कसरी यस्तो सफलता मिल्यो ?
म भाग्यले भन्दा महेनतले अघि बढेको छु । म निरन्तर मेहनत गरिरहने पात्र भएकोले मलाई सबैले मन पराउनु हुन्छ, माया गर्नुहुन्छ । सफलता त्यो अवस्था हो जसले आफूलाई मात्रै होइन । अरुलाई समेत डो¥याएर हिड्न सक्छ । मेरो बारेमा भनिएको कुराले ममा थप उर्जा र जिम्मेवारी बोध गराउँछ ।
पैसा धेरै लिनु हुन्छ रे त ?
मेहेनत अनुरुपको हुनैपर्छ । म चलचित्रको प्रविधि पाटालाई गहन रुपमा बुझ्छु, स्वीकार्छु त्यही अनुरुप आफूलाई उतार्ने प्रयास गर्छु । मैले कमजोर काम गरे भने त्यो त बारम्बार देखिन्छ । त्यहाँबाट दर्शकहरु मप्रति गलत धारण बनाउँछन् । दर्शकहरुको विश्वास जित्न माया पाउन मैले अत्यन्त मेहेनतका साथ काम गर्नुपर्ने हुन्छ त्यसका लागि मैले आवश्यक डिमाण्ड गर्ने गरेको छु । फेरि निर्माता दिन कन्जुस्याई गर्नुहुँदैन । किनकी म त्यो भन्दा बढ्ता मेहनत गर्दछु । कतिपयले त थपेर समेत दिनुभएको छ ।
नयाँलाई केही सुझाव दिनुहुन्छ कि ?
आज प्रविधिको विकासले पनि हुन सक्छ, काममा भन्दा प्राप्तिमा हतारो भएको देखिन्छ । तर सिकेर आउनुस् राम्रोसँग मन लगाएर काम गर्नुस्, एकदिन कुनै निश्चित ठाउँमा पुगेपछि अवश्य सफल भइन्छ । कोभिड–१९ का कारण संसारले नै ठुलोे समस्या भोग्नु परिरहेको छ । नेपाली चलचित्रका प्रविधिक, कलाकार तथा चलचित्रकर्मीहरुलाई राहत उपलब्ध गराउँदै उनीहरुमा सर सहयोगमा छु ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies