आचार्य प्रदीप/मध्यान्ह
बुटवल : कपिलवस्तु जिल्लाको सबैभन्दा ठुलो भन्सार कृष्णनगर भन्सार कार्यालयले चालु आर्थिक बर्ष २०७७/ ०७८ को हालसम्म लक्ष्यभन्दा १ सय ३ प्रतिशत बढी राजश्व संकलन गरेको छ । कोरोना महामारीबीच पनि कार्यालयले लक्ष्यभन्दा बढि राजश्व संकलन गर्न सो कार्यालय सफल भएको छ ।
सो कार्यालयले चालु आर्थिक बर्षमा ४ अर्ब ८९ करोड ३६ लाख ८६ हजार राजश्व संकलन गर्ने लक्ष्य लिएकोमा असार दोस्रो साता भित्रै ५ अर्ब बढि राजश्व संकलन भएको भन्सार कार्यलयका प्रमुख जर्नादन पौडलले मध्यान्हलाई जानकारी दिए । असार महिना अझै बाकी नै रहेकोले १ सय १० प्रतिशत बढिसम्म राजश्व संकलन हुने भन्लार प्रमुख पौडेलको ऑकलन छ ।
गत आर्थिक बर्षमा लक्ष्य नभेटाएको भन्सार कार्यालयले यस आर्थिक बर्षमा भने लक्ष्यभन्दा बढि नै राजश्व संकलन गरेको छ । गत आर्थिक बर्षमा ६ अर्ब १८ करोड ७७ लाख ६२ हजार रुपैया अर्थात ५९ दशमलव ७९ प्रतिशत मात्रै राजशव संकलन भएको थियो । जसमा कार्यलयमा जम्मा ३ अर्ब ६९ करोड ९८ लाख ५६ हजार राजश्व जम्मा भएको कार्यालय प्रमुख पौडेलले बताए ।
गत बर्षको तुलनमा यस आर्थिक बर्षमा राजश्व संकलनमा बृद्धि भएको कार्यालयले जनाएको छ । बर्षका असुलीको तुलना गर्दा ३५ प्रतिशत बढी राजश्व उठाउन सफल भएको भन्सार प्रमुख पौडेलले बताए । कोरोना महामारीमा गत बर्ष पूर्ण लक डाउनका कारण चैत्र र बैशाख महिनामा न्यून राजश्व संकलन भएका कारण लक्ष्यमा पुग्न नसकिएको उनले बताए ।
कृष्णनगर भन्सार कार्यालयबाट यस आर्थिक बर्षमा निर्यात तर्फ २९ करोड ३६ लाख ७६ हजार राजश्व संकलन भएको छ । आयातको तुलनामा निर्यात निकै कम रहेको कार्यालयले जनाएको छ । कृष्णनगर भन्सारबाट खोटो रोजिन, तार्पिन तेल, एसेन्सीयल आयल, वियर माल्ट, रुम स्प्रे तथा गन्ध हटाउने सामान, जडीबुटी, टिमुर, सुगन्ध, कोकिल, कुट्की लगातका सामग्री भारततर्फ निर्यात हुने कृष्णनगर भन्सार कार्यालयले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies