सप्तरी : सिरहाको भगवानपुर गाउँपालिकामा पशु शाखाले लम्पी स्किन रोग नियन्त्रणका लागि द्रुत गतिमा खोप लगाउने अभियान सुरु गरेको छ । पशु शाखा प्रमुख रामसुन्दर दासको नेतृत्वमा पशु चिकित्सकहरूको टोली गाउँका प्रत्येक वडामा पुगेर किसानहरूको गाईभैंसीलाई लम्पी स्किन रोगविरुद्धको खोप लगाइरहेको छ ।
साथै, बाख्राका लागि समेत खोप लगाउने काम भइरहेको पशु सहायक डाक्टर रामकुमार पण्डितले जानकारी दिए । उनका अनुसार गाउँपालिकाभर खोप कार्यक्रम निरन्तर रूपमा सञ्चालन गरिनेछ र आवश्यक अन्य उपचार सेवा पनि दैनिक आधारमा उपलब्ध गराइनेछ । पशु शाखाले किसानलाई सतर्क रहनुका साथै गोठ सरसफाईमा विशेष ध्यान दिन आग्रह गरेको छ ।
_sfc9ZtglZ9.jpg)
