काठमाडौँ : संघीय संसद् सचिवालयले सांसदहरूलाई आर्थिक वर्ष २०८२/८३ को सम्पत्ति विवरण निर्धारित समयभित्र बुझाउन निर्देशन दिएको छ ।
सचिवालयले जारी गरेको सूचनामार्फत प्रचलित कानुनी व्यवस्थाअनुसार प्रतिनिधि सभा र राष्ट्रिय सभाका सदस्यलाई आफ्नो तथा परिवारका सदस्यको नाममा रहेको चल-अचल सम्पत्तिको विवरण स्रोत खुल्ने गरी अद्यावधिक गर्न अनुरोध गरेको हो ।
भ्रष्टाचार निवारण ऐन, २०५९ तथा अख्तियार दुरुपयोग अनुसन्धान आयोग ऐन, २०४८ ले गरेको व्यवस्थाअनुसार आर्थिक वर्ष समाप्त भएको मितिले ६० दिनभित्र सम्पत्ति विवरण बुझाउनुपर्ने व्यवस्था रहेको सचिवालयले जनाएको छ ।
सांसदहरूले कानुनले तोकेको समय सीमाभित्र सम्पत्तिको विवरण, त्यसको स्रोत तथा आवश्यक प्रमाणसहित विवरण पेस गर्नुपर्नेछ। सचिवालयले तोकिएको अवधिमा विवरण उपलब्ध गराउन सम्बन्धित सबै सदस्यको ध्यानाकर्षण गराएको छ ।
.jpg)
.webp)
.jpg)
