काठमाडौं : कांग्रेस सभापति शेरबहादुर देउवाले विवादका बीच पार्टीका केन्द्रीय विभागका उपप्रमुख, सचिव र सदस्यहरु मनोनयन गरेका छन् । गएराति देउवाले १० वटा विभागमा ३ सय ९४ जना सदस्यहरु मनोनयन गरेका हुन् । पहिले गठन भएको तरुण र खेलकुद विभागमा समेत केही सदस्य देउवाले थप गरेका छन् ।
महाधिवेशनको मिति घोषणा भइसकेको अवस्थामा विभाग गठनको औचित्व नभएको भन्दै वरिष्ठ नेता रामचन्द्र पौडेल पक्षले गठनको विरोध गरिरहेका बेला देउवाले धमाधम विभाग गठन गरिरहेका हुन । कांग्रेसको विधानमा महाधिवेशन सकिएको छ महिनाभित्र विभाग गठन गर्नुपर्ने व्यवस्था छ ।
तर सभापति देउवाले भने चार बर्षे कार्यकाल सकिएर महाधिवेशन तयारी भैरहेको समयमा विभाग गठन अघि बढाएपछि कांग्रेसमा विवाद चर्किएको छ । देउवाले २० वटा विभाग र १३ वटा विभागमा सदस्य मनोनित गरिसकेका छन ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies