काठमाडौंः सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई पदबाट हटाउने निर्णय गरेको छ ।
सञ्चार तथा सूचना प्रविधिमन्त्री पृथ्वीसुब्बा गुरुङले मंगलबार पत्रकार सम्मेलन गरी सोमबार बसेको मन्त्रिपरिषद् बैठकले कुलमानलाई हटाउने निर्णय गरेको जानकारी दिएका हुन् ।
उनले प्राधिकरणको कार्यकारी निर्देशकमा हितेन्द्रदेव शाक्यलाई नियुक्त गरिएकाे जानकारी पनि दिएका हुन् । सोमबार भने गुरुङले कुलमानलाई बर्खास्त गर्ने निर्णयबारे आफू जानकार नभएको बताएका थिए ।
