२०८१ चैत २२ गते शुक्रवार / Apr 04 , 2025 , Friday
२०८१ चैत २२ गते शुक्रवार
Ads

जयपृथ्वीबहादुर सिंहको अर्धकदको सालिक अनावरण

draupadi film
सत्यराज सिंह
२०८१ चैत २१ गते २२:०३
जयपृथ्वीबहादुर सिंहको अर्धकदको सालिक अनावरण

बझाङ : राष्ट्रिय विभूति तथा मानवतावादी राजा जयपृथ्वी बहादुर सिंहको अर्धकदको सालिक अनावरण गरिएको छ । विश्वविद्यालयका निवर्तमान भिसी प्रा.डा.अम्मरराज जोशीले बिहीबार बझाङ जयपृथ्वी बहुमुखी क्याम्पसमा निर्माण गरिएको सालिकको अनावरण गरेका हुन् । 

जयपृथ्वी नगरपालिका–११ भोपुरमा रहेको उक्त क्याम्पसको प्रांग्रणमा बनाइएको सालिक अनावरण गर्दै निवर्तमान भिसी जोशीले राजा जयपृथ्वी बहादुर सिंहलाई मानवतावादसँगै जनचेतनाका  आदर्श भएको बताए ।

जयपृथ्वीले परिकल्पना गरेको समाज अझै निर्माण हुन नसकेको बताउँदै निवर्तमान भिसी जोशीले सबै नेपालीले मिलेर उनको सोच र परिकल्पनाअनुरुप समाज निर्माण गर्नुपर्नेमा जोड दिए ।

राजा जयपृथ्वीले राणाशासनकालमा विश्वमा शान्तिको कामना गर्नुका साथै मानवअधिकारका विषयमा मात्रै नभएर, शिक्षा, पत्रकारिता लगाएतका क्षेत्रमा देशविदेशमा अतुलनीय योगदान गरेको बताए । 

सालिक अनावरण कार्यक्रममा सुदुरपश्चिम विश्वविद्यालयका रजिष्टार प्रा.यज्ञराज पाठन, भाषा साहित्यका निर्देशक प्रा.डा.हरिसचन्द्र भट्ट, अनुसन्धान निर्देशक डा.दमन चलाउने, सुदुपश्चिम विश्वविद्यालय कार्यकारी परिषद सदस्य हरिकृष्ण कडायत लगायत सहभागी भएका थिए । 

ADV

ताजा खबर

सम्बन्धित खबर

Advertise