बिकाश काफ्ले/मध्यान्ह
पाल्पा : कमल भट्टराई र ममता कोइरालाको देशभक्ती गीत ‘जे गरे नि चल्छ नेपालमा’ बजारमा आएको छ । देशको समसामायिक अवस्थालाई चित्रण गरिएको गीतमा नेताहरुको कार्य शैली, देशले भोग्नु परेको समस्या र जनताका पीडालाई दर्शाइएको छ ।
कमल भट्टराईको शब्द र संगीत रहेको गीतको भिडियो पाल्पामा छायांकन गरिएको हो । गायक स्वयं भट्टराई र गायिका ममताका अलावा भिडियोमा आयाम कार्की, सोम आले, लेखनाथ ढकाल लगायतका कलाकारलाई देख्न सकिन्छ ।
धेरैजसो माया प्रेममा आधारित गीत मात्र बजारमा आइरहेको अवस्थामा फरक शैलीको देशभक्ती गीत दर्शकसामू ल्याउँदा आफुलाई धेरै खुसी लागेको र गीतले सचेतनात्मक सन्देश दिने गायिका कोइरालाले बताइन् । माया प्रेम केन्द्रित गीत भन्दा देशभक्ती र जनताका गीत गाउँदा फरक अनुभव र सन्तुष्टि मिल्ने उनको भनाइ छ ।
लामो समयदेखि गीत संगीतको क्षेत्रमा क्रियाशिल भट्टराईले देशको अहिलेको अवस्थाले युवा पुस्तामा नकारात्मक असर पुगेकोले आफुहरुले फरक शैलीको गीत प्रस्तुत गरेको मध्यान्ह दैनिकलाई बताए । व्यवसायिक गीतले केवल मनोरञ्जन मात्र दिने तर देशभक्ती गीतले सन्देश दिने भएकाले आफुहरुले देशभक्ती गीत बजारमा ल्याएको बताए ।
गायक भट्टराई र गायिका कोइरालाले यसअघि पनि पाल्पा-बुटवल सडकका कारण भोग्नु परेको समस्या र त्यस क्षेत्रका जनताले भोग्नु परेको धन जनको क्षतीका बारेमा गीत बजारमा ल्याइसकेका छन् । यस गीतले पनी आफुहरु धेरै आशावादी रहेको उनीहरु बताउँछन् ।
गीतको भिडियोलाई आयाम कार्कीले निर्देशन गरेका छन् भने सन्तोष बस्यालको छायांकन/सम्पादन रहेको छ । ईन्द्र जिसीको संगीत संयोजन रहेको गीतको भिडियोलाई आर एम एफ क्रियशनले निर्माण गरेको हो । भर्खरै सार्वजनिक भएको गीतको भिडियोलाई धिताल फिल्मसले बजारमा ल्याएको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies