दाङ : सेवारखोलामा बनाएको डाइभर्सन बाढीले बगाएपछी घोराही-तुलसीपुर सडकखण्ड अबरुद्ध भएको छ । बाढीले आज बिहान घोराही उपमहानगरपालिका-१६ स्थित सेवारखोलाको उक्त डाइभर्सन बगाएपछि सडकखण्ड अबरुद्ध भएको हो ।
डाइभर्सन बगाएपछि जिल्ला प्रशासन कार्यालय दाङले सूचना जारी गरी बैकल्पिक सडक प्रयोग गर्न यात्रुहरुलाई अनुरोध गरेको छ । सेवारखोलामा हाल पुल निर्माणको काम अधुरो रहेको बताउदै दाङका प्रमुख जिल्ला अधिकारी रामबन्धु सुवेदीले बैकल्पिक सडक प्रयोग गर्न अनुरोध गरेका छन् ।
डाइभर्सन बगाउँदा आवतजावत ठप्प भएको छ । पानी परिरहेकाले डाइभर्सन तत्काल बनाउन सकिने अवस्था छैन । घोराही उपमहानगरपालिका–१६ सेवारखोलामा चार लेनको पक्की पुल अधुरै छ ।
.jpg)
