काठमाडौंः राष्ट्रिय युवा संघ पर्वतको भेलामा झडप हुँदा एमाले प्रदेश सदस्य तथा युवा संघका पूर्व केन्द्रीय सदस्य अर्जुन निर्जन पौडेल घाइते भएका छन् ।
अधिवेशन गर्ने, नगर्ने विषयमा दुई पक्षबीच भएको विवादले झडप हुँदा पौडेल घाइते भएका हुन् । पौडेलको टाउकोमा गम्भीर चोट लागेको जनाइएको छ । उनको पर्वत स्थित शान्तिदिप अस्पतालमा उपचार भइरहेको छ ।
आगामी जेठ ९ देखि ११ गतेसम्म पोखरामा हुने भनिएको राष्ट्रिय युवा संघको महाधिवेशनका लागि जिल्ला कमिटी तथा प्रतिनिधि छनोट गर्न केन्द्रकै निर्देशनमा आयोजक कमिटी गठन गर्ने भन्दै भेला डाकिएको थियो । तर गणेश तिमिल्सिना र पदम गिरी समूहबीच कुरा नमिल्दा झडप भएको हो । झडपमा पौडेलसहितका अन्य नेताहरु पनि घाइते भएका छन् ।
.jpg)
