रविन विश्वकर्मा/मध्याह्न
रुकुम पुर्व : जिल्ला प्रहरी कार्यालय प्युठानले मृत अवस्थामा भेटिएका युवाकाे हत्यामा संलग्न रहेका अभियुक्त सार्वजनिक गरेको छ ।
गत असार १४ गते प्यूठान नगरपालिका १० नेपानेमा मृत अवस्थामा भेटिएका प्यूठान नगरपालिका १० काेटका २४ वर्षीय हेमन्त नामले चिनिने नरेन्द्र पुन मगरकाे हत्यामा संलग्न ३ जना अभियुक्तलाई प्रहरीले बिहीबार पत्रकार सम्मेलन गरी सार्वजनिक गरेकाे हाे ।
हत्यामा साेही ठाउँ बस्ने वर्ष १५ र १७ का दुई बालक र मल्लरानी गाउँपालिका ३ धनुवास बस्ने बर्ष १८ का रेमबहादुर घर्तिकाे संलग्न रहेकाे जिल्ला प्रहरी कार्यालय प्यूठानका प्रमुख प्रहरी नायव उपनिरीक्षक सुनिल मल्लले मध्यान्हलाई जानकारी दिए ।
लुम्बिनी प्रदेश प्रहरी कार्यालयका प्रमुख डीआइजी मुकुन्द आचार्यकाे निर्देशन अनुसार जिल्ला प्रहरी कार्यालय प्यूठानका प्रमुख डिएसपी सुनिल मल्ल, इन्सपेक्टर देवि प्रसाद गैरे, इलाका प्रहरी कार्यालय बिजुवारका इन्सपेक्टर प्रकाश खत्रीकाे नेतृत्व र लुम्बिनी प्रदेश प्रहरी अनुसन्धान समूहको टाेलीले घटनाको अनुसन्धान गरी अभियुक्त पहिचान गरेकाे हाे ।
आइतबार बिहान साढे ९:३० बजे साथीसँगै नेपाने दिदीको गाेठ बनाउने काममा गएका पुन र उनका साथी साेही ठाउँ निवासी वर्ष २५ का सुरेस बस्नेत साेमबार मात्रै बिहान ६:३० बजे नेपानेकाे गाउँमै मृत र अचेत अवस्थामा फेला परेका थिए।
`काम सकिएपछि उनीहरु नजिकैकाे पसलमा अभियुक्तसँगै बसेर खाजा तथा मादक पदार्थ सेवन गर्न थाले´ प्रहरी नायव उपरीक्षक मल्ले भने,´साेही क्रममा दुबै पक्षबीचमा सामान्य विवादबाट शुरु भएकाे घटना हत्याकाे याेजनासम्म पुग्याे।´
विवाद लगत्तै घर हिँडेका दुई युवालाई राति करिब ९:३० बजेको समयमा बाटाे कुरी लुकेर बाटाे माथिबाट लाैराेले टाउकोमा आक्रमण गर्दा ज्यान गएकाे अभियुक्तहरुले स्वीकार गरेका छन् ।
अभियुक्त रेम बहादुर गाेठकाे लागि काम गर्न नेपाने पुगेका थिए । मृतक र घाइते दुबै एक्कै ठाउँमा भेटिएका थिए । उनीहरुकाे अनुहार र टाउकाेमा गहिराे चाेट लागेकाे थियाे । घाइतेकाे युनिभर्सल मेडिकल कलेज भैरहवामा भेन्टिलेटरमा राखेर उपचार भैरहेकाे छ ।
बस्नेतकाे उपचारमा अहिले सम्म ६ लाख भन्दा बढी खर्च भएकाे छ । आर्थिक अवस्था कमजाेर हुँदा उपचारमा समस्या भएकाले परिवारले सहयाेगकाे लागि अपिल समेत गरेकाे छ । सहयाेगी मनहरुले "सुरेश बस्नेत बचाउ अभियान"मार्फत ओम बहादुर घर्ती मगरकाे नेपाल बैंक लि.खलंगा प्यूठानमा रहेकाे खाता नम्बर ०५२००१०६७०४२१९०००००२ मा सहयोग रकम जम्मा गर्न सकिन्छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies