एजेन्सी : अफगानिस्तानमा ठूलो आर्थिक प्रलय आउनसक्ने चेतावनी विश्वका नेताहरुले दिएका छन् । जि–ट्वान्टी नेताहरूको भर्चुअल सम्मेलनलाई सम्वोधन गर्दै नेताहरुले यस्तो चेतावनी दिएका हुन् ।
अफगानिस्तानलाई आर्थिक संकटबाट जोगाउन अरबौं डलर सहायता चाहिने विश्व नेताहरूको भनाइ छ ।
अमेरिकी राष्ट्रपति जो बाइडेनले अफ्गानिस्तानको तालिवान शाषकलाई नभएर अफ्गान नागरिकको लागि स्वतन्त्र दातृ निकाय र संगठनमार्फत सहयोग गर्नुपर्ने बताए ।
जर्मन चान्सलर एन्जेला मर्केलले अफ्गानिस्तानलाई यस्तै अन्यौलको भुमरीमा छोड्न नहुने बताइन् । जि ट्वान्टी नेताहरूले सहयोगको लागि अन्य मुलुकहरुलाई समेत आव्हान गरेका छन् ।
तालिवानले अगष्टमा अफगानिस्तानको सत्ता कब्जामा लिएपछि मानविय संकट उत्पन्न भएको छ । अफगानिस्तानलाई औषधि र खानाको ठुलो सहयोग आवश्यक भएको राष्ट्रसंघले बताउदै आएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies