काठमाडौं : नेपालले एसीसी महिला एसिया कपमा पाकिस्तानलाई १०९ रनको लक्ष्य दिएको छ ।
रंगिरी डम्बुला अन्तर्राष्ट्रिय क्रिकेट मैदानमा टस हारेर पहिला ब्याटिङ थालेको नेपालले निर्धारित २० ओभरमा ६ विकेट गुमाउँदै १०८ रन बनाएको हो ।
नेपालका लागि कविता जोशीले अविजित रहँदै सर्वाधिक ३१ रन बनाइन् । २३ बल खेलेकी उनले चार चौका र एक छक्का प्रहार गरिन् ।
सीता रानामगर २६, पूजा महतो २५ र कविता कुँवर १३ रनमा आउट भइन् ।
पाकिस्तानकी सादिया इकबालले सर्वाधिक दुई विकेट लिइन् भने फातिमा सानाले एक विकेट लिइन् ।
