काठमाडौं : अभिनेता भुवन केसी र अभिनेत्री श्वेता खड्का नेपाली कांग्रेस प्रवेश गरेका छन् । प्रधानमन्त्री निवास बालुवाटारमा आयोजित एक कार्यक्रमकाबीच केसी र खड्का कांग्रेसमा प्रवेश गरेका हुन् ।
कलाकार संघका अध्यक्ष रवीन्द्र खड्का पनि कांग्रेस प्रवेश गरेका छन् । सबैलाई बालुवाटारमा प्रधानमन्त्री तथा कांग्रेस सभापति शेरबहादुर देउवाले पार्टीमा स्वागत गरेका थिए ।
उनीहरुलाई अभिनेता निर शाह लगायतले काँग्रेसमा प्रवेश गराउनका लागि पहल गरेको बताइएको छ । सो अबसरमा देउवाले कलाकार देशको गहना भएको भन्दै पार्टीले उचित जिम्मेवारीसहित सम्मान गर्ने बताए ।
यसअघि एमालेमा संलग्न रहेपनि अभिनेता केसी निष्क्रिय थिए ।
.jpeg)
