–जानुका गुरागाईं, झापा
श्रमको ऊ गर्छ शोषण मुखले उदार हुन्छ
ज्याला दिँदैन मेरो निद्रा फरार हुन्छ ।।
मिल्दैन दाल, चामल दोकान हो किराना
बुझ्दै छु भित्रभित्रै मदिरा बेपार हुन्छ ।।
बोकेर थाल रित्तो बस्दै छ ऊ सडकमा
बुझ्दैन आज आश्वासनको बजार हुन्छ ।।
बुझ्नै सकिन्न भित्री मनको कुरो कसैको
बोली छ मीठो खुब बगलीमा कटार हुन्छ ।।
सुन्दैन आज मान्छे राम्रा कुरा कसैका
गल्ती कुराको मात्रै औधी प्रचार हुन्छ ।।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies