ललितपुरः ललितपुरको हरिसिद्धीमा इट्टाभट्टाको पर्खाल भत्किँदा एक जनाको मृत्यु भएको छ ।
मृत्यु हुनेमा रुकुम घर भएकी ५५ वर्षीया तिल्सरी खड्का रहेको जिल्ला प्रहरी परिसर ललितपुरले जनाएको छ । प्रहरीका अनुसार पर्खाल भत्किँदा अन्य चार जना घाइते भएका छन् ।
घाइते हुनेहरुमा रुकुम नै घर भएकी २७ वर्षीया जानकी चन्द, सल्यानकी २७ वर्षीया शान्ति कुँवर, रोल्पाकी ४६ वर्षीया नन्दकुमारी मगर र दाङकी १९ वर्षीया सुमा कुमाल रहेकी छन् । उनीहरुलाई उपचारका लागि मेसडसिटी अस्पताल पठाइएको जनाइएको छ ।
.jpg)
.jpg)
